மருதாணி யாருக்கு!

நமக்கு எல்லாம் மருதாணி யைப் பற்றி தெரியும். பொதுவாக இது பெண்கள் அதிகம் விரும்பக்கூடியது .அதிலும் கொஞ்ஜம் வெள்ளை நிற பெண்களுக்கு அழகுக்கு அழகு சேர்க்கும். பல இடங்களில் போட்டியே நடக்கும் யார் அழகான டிஸைன் வரைகின்றாரோ அவருக்கு பரிசுகளும் கிடைக்கும். அழகு நிலையங்களில் இது இல்லாமல் இருக்காது.
திருமணங்களில் எது இருக்கிறதோ இல்லையோ மணப்பெண் அலங்காரத்தில் கை,கால் முழுவதும் டிஸைன் எனற பெயரால் பூசி மெழுகி இருக்கும்.
இதை அதிகம் பயன்படுத்துவது பாக்கிஸ்தானியர்கள் தான். இதன் பூர்வீகம் ஆப்பிரிகா .
நாம் மருதாணியை அழகு சாதனமாக மட்டுமே நினைகிறோம். அதனால தானோ என்னவோ இது பெண்களுக்கு மட்டுமானது என்ற எண்ணம் எல்லோருக்குமே உள்ளது. ஆனால் என்னை பொருத்தவரை ஒவ்வொரு ஆணுக்கும் இது தேவை. நாம் (ஆண்) கையில் , காலில் இட்டால் நீ என்ன பொம்பளையா? என்ற கேள்வி உடனே வரும். அது தவிர நமக்கு தரவும் மாட்டார்கள்.

மருதாணியின் முக்கிய பலன் என்னவென்றால் உடலுக்கு குளிர்ச்சியை தரும். முறைபடி பயன் படுத்தும் போது அதிக அளவில் பலன் தருகிறது. ஆண்கள் பொதுவாக வேலையின் காரணமாக (வேலைவெட்டி இல்லாட்டியும்)வெளியே சுற்றுவதாலும், சிலருக்கு வேலையே அதுவாக அமைந்து விடுவதாலும், கையேந்திபவனில்(அவசர உலகில் எல்லாமே ரெடிமேட்) உப்பு, காரம் (அசைவம்) சற்றே கூடுதலாக இருப்பதால் எதைப்பற்றியும் கவலை படாமல் தின்றுவிடுவதால் ,வரும் உடல் சூட்டை குறைக்க வழி தெரிவதில்லை. தேவை இல்லாத டென்ஷன்., வயிற்று வலி.,ஆக உடல் சூடுதான் முதற்காரணம்.

இரண்டாவதாக கண்எரிச்சல். இதில் உண்மைநிலை புரியாமல் ஒருவேளை பார்வை குறைவோ என்ற பயமும் இருக்கும். இந்த இரண்டு வியாதிக்கும் வருமுன் காக்கும் அற்புதமான மூலிகைதான்நமது மருதானி. கடைகளில் கலர் சேர்காத பவுடராகவும்(u.a.e யில் சூடானி மெஹந்தி எல்லா கடைகளிலும் கிடைக்கும்)கிடைக்கும். இதை நீர் விட்டு குழைத்து முதலில் சிறிது உள்ளங்காலில் வைத்து ஒரு மணிநேரம் இருக்கவும் . (பத்து நிமிடத்திலேயே கால் மரத்து போய்விடும்) புதிதாக வைப்பவர் குறைந்த நேரமே வைத்து டெஸ்ட் செய்யவும். பிறகு நேரத்தை கூட்டலாம். இல்லாவிட்டால் குளிர்ஜுரம் வந்துவிடும்.

பழகியபின் தேவைக்கு ஏற்ப தலைமுழுவதும்(ஆண்கள்) வைத்துவிட்டு இரண்டு மணிநேரம் கழித்து தலைக்கு குளிக்கவும் .சோப்பு தேவை இல்லை. கலர் சேர்காத பவுடரினால் தலை முடி சிவப்பாக ஆகாது. தலைமுடியும் கொட்டாது. விடுமுறை நாட்களில் செய்யவும். (இல்லாவிட்டால் ஆபீஸில் தூக்கம் வரும்) பெண்கள் உச்சந்தலையில் மட்டும் வைத்து விட்டு குளிக்கலாம்.

கோடைக்காலத்தில் வாரம் ஒருமுறை இதுப்போல செய்துவந்தால் 48டிகிரி வெயில் அடித்தாலும் நமக்கு , உடலுக்கு ஒன்னும் செய்யாது. சிவாஜியில் ரஜினி சொல்வது போல் ஹை...ஹை...கூல்...


டிஸ்கி: அனுபவமா என்று கேட்பவர்களுக்கு 100சதவிகிதம் டெஸ்டட். கோடைக்காலம் நெருங்குவதால் இந்த டிப்ஸ் பயன் படும்.