மீண்டும் முயல் ஆமை

தலைமுறை மாறமாற அர்த்தங்களும் மாறிக்கொண்டேதான் வருகிறது. கேட்பவர்களும் அதையே மற்றவர்களுக்கு சொல்லிக்கொண்டு வருவதால் உண்மை எது பொய் எது என்று பிரித்து அறியாமல் தலைஆட்டுகிறோம். எப்படி?

சின்ன வயதில் பள்ளியில், ஓட்டபந்தையத்தில் முயல் தூங்கிவிட்டது. ஆமை தூங்காமல் ஓடி??? கோப்பையை வென்றது என்று கதை சொன்னார்கள் . நான் கேட்டேன், ஸார் போட்டி என்றால் சமமானவர்கள் தேவை. இங்கே ஜோடி பொருத்தமே சரி இல்லையே என்று. பதிலும் கிடைத்தது தலையில் நறுக்.. என்று. அதிலிருந்து நான் கேள்வியே கேட்பதில்லை.

முயல் என்பது நாம் பார்க்கும் காது நீண்டு உள்ள காட்டு விலங்கு இல்லை. முயல் என்றால் முயற்சி அல்லது முயற்சி செய் என்று அர்த்தம். சோம்பேறியாக இருக்காமல் முயன்றுக்கொண்டே இருக்கவேண்டும் அதாவது விடாமுயற்சியாக ஒரு செயலை செய்யவேண்டும். ஆமை என்பதும் அதைப்போலவே நாலு கால் பிராணி இல்லை. அமைதி அல்லது பொறுமை என்று பொருள். ஒரு செயலானது அவசரப்படாமல் பொறுமையாக முயற்சி செய்தால் அது கைக்கூடும் என்பதே!! இதன் முழுப்பொருள்.. நிதானம் அல்லது அமைதி இல்லாமல் வெறும் முயற்சி மட்டும் பலன் தராது. அது தடுமாற்றத்தில்தான் முடியும்.அதை போல எதையும் முயற்சி செய்யாமல் அமைதியாக இருப்பதும் வேலைக்காகாது. ஆக இரண்டுமே தேவை.
அடுத்தது

””மாதாவை ஒரு நாளும் மறக்கவேண்டாம்.””
நான் கேட்கிறேன், அப்பா என்ன பாவம் செய்தார்? உடன் பிறந்தவர்கள் என்ன தவறு புரிந்தார்??.ஏன் மாதாவை மட்டும் மறக்கவேண்டாம். மற்றவர்களை விட்டுவிடலாமா?? மா போன்ற பெரிய மரங்களையும், செடிக் கொடி போன்ற தாவரங்களையும் தினமும் நீர், உரம் போன்றவை போட்டு அதை மறக்காமல் பார்த்துக் கொண்டால். பெரிய மரங்கள் மழை பெய்யவும், பின் நிலத்தடி நீரை பிடித்து வைக்கவும், நிலச்சரிவிலிருந்து (சமீபத்தில் ஊட்டியில் நடந்தது) பாதுகாக்கவும் தேவை. நமக்கு தேவையான உணவுப் பொருட்கள் அனைத்தும் செடிக்கொடிகள் மூலமே கிடைக்கிறது. அப்படி மறந்தால் உணவுக்காக நாம் அலைய வேண்டிவரும்.(சோமாலியா நாட்டின் நிலை). தற்போது நிலை என்ன?. விளை நிலங்கள் விலை நிலங்களாக மாறி வருகிறது. உணவு பற்றாக்குறை வந்தால் கருங்கல், செங்கலையா சாப்பிடமுடியும்.

ஆக நடப்பது என்ன? நாம் எதையுமே தீர விசாரிக்காமல் ஏட்டு சுரைக்காய்( அட நல்லாயிருக்கே அடுத்த பதிவில் பார்க்கலாம்) கறிக்குதவாது என்பது போல குழந்தைகளுக்கு சொல்லிவந்தால் 3020ல் கூட இந்தியா வல்லரசு ஆகாது.

டிஸ்கி:: சூடான கருத்துக்கள் வரவேற்கப்படும்.