வடை மற்றும் கதை

முதலில் சமையல் குறிப்பு .வேண்டாதவர்கள் நான்கு பாரா தள்ளி போய் படியுங்கள்.

வாழைப்பூ வடை

அவசியமான பொருட்கள்

கடலைப் பருப்பு --- 150 கிராம்
துவரம் பருப்பு ---150 கிராம்
வெங்காயம் ---1 பெரியது
தேங்காய் -- 1மூடி துருவியது
காய்ந்த மிளகாய் -- 6
மஞ்சள் தூள் --1/2 ஸ்பூன் சின்னது
எண்னெய் -- தேவையான அளவு
உப்பு -- தேவையான அளவு
சோம்பு , சீரகம் -- 1 ஸ்பூன்
வாழைப்பூ -- 1

செய்யும் முறை:

பருப்பு வகைகளை சுமார் மூன்று மணிநேரத்திற்கு முன்னே ஊறவைப்பது நல்லது

வாழைப்பூவை பொறுமையாக சுத்தம் செய்து (கையில் சிறிது எண்ணெய் தேய்ப்பது நலம்) அதை சிறியதாக வெட்டிக்கொள்ளவும்

வெங்காயத்தையும் பொடியாக அரிந்துக்கொள்ளவும்

கிரைண்டர் அல்லது அம்மி (நகரத்தில் தேடவேண்டிவரும்) அல்லது மிக்ஸியில் ஊறிய பருப்புடன் காய்ந்தமிளகாய் , சோம்பு , சீரகம் மற்றும் உப்பு போட்டு கொஞ்ஜம் பிசிறு தட்டுவது போன்று நற ..நற வென்று ஆகும் வரை அரைத்து கடைசியில் வாழைப்பூவை போட்டு ஒரு சுற்றுசுற்றி விட்டு வெளியே எடுக்கவும்

அதில் நறுக்கிய வெங்காயம் , துருவிய தேங்காய் பூ மற்றும் மஞ்சள் தூள் சேர்த்து வடையாக தட்டி எண்ணெயில் பொறித்து எடுக்கவும்.

இதோ இப்போது நீங்கள் செய்த அருமையான வாழைப்பூ வடையை குறைந்தது வாரம் இருமுறை உங்களுக்கு பிடித்த நேரங்களில் சாப்பிட்டு வந்தால் நீங்கள் ஒரு லட்சாதிபதி .என்ன வியப்பா இருக்கா. ஆமாம் உங்கள் கிட்னியின் விலை.

தண்ணீர் தேவையாண அளவு குடிக்காத காரணத்தால் ரத்தத்தின் அடர்த்தி அதிகமாகி ( வரும் நேரத்தில் வரவிடாமல் அடக்கும் சிறுநீரின் காரணத்தாலும் ) நமது சிறுநீரகங்கள் உப்பு நீரை வடிகட்ட முடியாமல் தட்டுத்தடுமாறி திணருகிறது. கடைசியில் கல்லாக மாறி நமது தலையில் கல்லை (மன்னை ) கொட்டுகிறது.

கல் அதன் அளவைக்கொண்டு சில நேரம் சிறுநீர் பாதை வழியே வெளியே வந்து விடும். சிறிது பெரியதாகி போனால் நடுவில் அடைத்துக் கொண்டு வரும் கஷ்டம் இருக்கிறதே . அந்த நேரத்தில் 100 கோடி அல்லது ஆயிரம் கோடி ரூபாயை தந்தாலும் வேண்டாண்டா சாமி இந்த மைக்ரோ மில்லிமீட்டர் கல்லை மட்டும் எடுத்துவிடு எண்பீர்கள். அவ்வளவு வேதனை. அவ்வளவு சோதனை.

இந்த கல்லை சிதைக்கும் ஆற்றல் அல்லது வரவிடாமல் தடுக்கும் வலிமை இரண்டுக்கு மட்டுமே உண்டு ,ஒன்று வாழைப்பூ மற்றது தண்ணீர் அதாவது

நீர்

சேவ் த வாட்டர் SAVE THE WATER
எல்லோரும் தனித்தனியா பி எச் டி வாங்கும் அளவுக்கு நீரின் பாதுகாப்பு பயனை போட்டுவிட்டதால் அடியேனும் ஒரு எறும்பாக...... இந்த பதிவு.......