குற்றமா குறையா !!!

நம்மில் பலர் எதிலாவது குற்றங்குறை கண்டுபிடிப்பதில் வல்லவர்களாகஇருக்கிறார்கள். இன்னும் சிலரோ மனந்திறந்து பாராட்டுவது கூட கிடையாது. இதுவும் ஒரு வகை வியாதி மாதிரிதான்.

எனது நண்பர் ஒருவர் இப்படித்தான். இவருடன் ஹோட்டலுக்கு போனால்போகும் போது எப்படி போனோமோ அதே மாதிரி பசியுடன் திரும்பவேண்டிவரும் . ஆனால் அவர் மட்டும் எல்லாத்திலேயும் ரெண்டு பிலேட் அடித்திருப்பார். எல்லாத்திலேயும் குறை சொல்லிக்கொண்டே சாப்பிட்டு விடுவதில் கில்லாடி.

இப்போதெல்லாம் அவரை கண்டாலே தலைமறைவு வாழ்கைதான். என்ன செய்வது. அந்த ஒரு குணத்தை தவிர மற்றதுக்கு ஆள் சரிதான். ஏன் இந்த குணம் முதலில் ஹோட்டலை பார்கலாம் .இதிலும் இரண்டு வகை உண்டு. தினமும் அல்லது அடிக்கடி வரும் கஸ்டமருக்காக சமைப்பது., நமது அதிருப்தியை சொன்னால் சிறிது கேட்பார்கள் ,இரண்டு நாள் கழித்து அதே கதைதான், நேரம் கிடைக்கும் போது பட்டென்று விலையை உயர்த்திவிடுவது எல்லாம் நடக்கும், இரண்டாவது வகையானது கொஞ்ஜம் அடாவடி வந்தால் வா , வேண்டாமென்றால் போ என்பது மாதிரி. இது அதிகம் நடப்பது ரயில்வே , பஸ் ஸ்டாண்ட், ஸ்டால்களில்தான்.

இங்கெல்லாம் ருசிக்கு மட்டுமே முதலிடம் , உப்பு, மிளகு, காரம் அதிகமாக இருந்தாலும் சுத்தம் என்பது மருந்துக்கு கூட இருக்காது. தலையாட்டிக்கொண்டு சாப்பிட்டுவிட்டு வீட்டிற்கு வந்ததும் பேதி மாத்திரையை தேடி ஓட வேண்டிவரும். முடிந்த வரை வீட்டில் சாப்பிட பழகவேண்டும். அல்லது சமைக்க பழகனும்.

இரண்டாவதாக வீட்டில் பார்கலாம் , எத்தனையோ தடவை பார்த்து பார்த்து அழகாக , சுத்தமாக சமைத்து வைத்து தனக்கு பசித்தாலும் , வெளியே போன கணவருக்காக காத்திருந்து வந்ததும் முகம் மலர்ந்து முதலில் பரிமாறுவதை பார்திருக்கிறோம் , கேட்டிருக்கிறோம் ., ஆனால் எப்போதாவது ஒரு தடவை உப்போ , காரமோ அல்லது சோறு குழைந்தோ விட்டால் வீட்டில் ஒரே கூச்சல் குழப்பம்தான். ஏதோ இன்று மட்டுமில்லாமல் தினமும் நடப்பது போல் திட்டுதான் .மனைவி ஏதோ திட்டம் போட்டு செய்தது மாதிரி நடந்துக் கொள்வது. அன்று நடக்கும் திருவிழாவில் குடும்பத்தில் யாருமே சாப்பிடாமல் சூழ்நிலையை சோகமாக்கி விடுவார்கள்.. உணவும் அப்படியே கிடந்து வீணாகி போகும். சரி போனால் போகிறது விடு அடுத்தமுறை பார்த்து செய் என்று ஒருமுறை சொல்லிபாருங்கள் .மனைவியின் பார்வையில் நீங்கள் ஒருஹீரோவாகி விடுவீர்கள்.

சோற்றில் உப்பு அதிகமாகி விட்டால் , சிம்பிளாக ஒரு குழம்பு உப்பு போடாமல் வைத்து சமாளிக்கலாம். புளி அப்படியே , இல்லை எழுமிச்சை சாதமாக மாற்றி விடலாம் . அப்படியும் உண்ணமுடியாமல் இருந்தால் அதை வடாம், அல்லது முறுக்கு பிழிந்து காய வைத்து உபயோகப்படுத்தலாம்.

சோறு குழைந்து விட்டால் அதன் தகுதிக்கு ஏற்றால் போல் அதனுடன் பால் அல்லது வெல்லம் சேர்த்து வெண் பொங்கலாகவோ இல்லை சர்க்கரை பொங்கலாகவோ மாற்றி விடலாம். இல்லை இருக்கவே இருக்கு தயிர் , தயிர் தாளித்து தயிர் சாதமாக மாற்றி விடலாம்.

சில நேரங்களில் பருப்பு வேகாமல் மக்கர் பன்னும். முதல் முறையிலேயே சமைக்கும் போதே தெரிந்து விடும். என்ன செய்வது நாம் நிறைய வாங்கி இருப்போம், அதை கழுவி காயவைத்து கொள்ளவும். சாம்பார் செய்யும் முன் தேவையான அளவு எடுத்து மிக்ஸியில் முக்கால்பாகம் பவுடர் மாதிரி அரைத்து தண்ணீரில் கொதிக்கவிடுங்கள். இந்த முறையில் செய்தால் ஒரு மணி நேரத்தில் ஆகும் சாம்பார் 25 நிமிடத்திலேயே தயாராகிவிடும்.

இன்னும் இதுப்போல நிறைய உண்டு. ஆனால் முக்கியமாக நாம் கவனிக்க வேண்டியது என்னவென்றால், உலகில் எத்தனையோ பேர் ஒரு வேளை கஞ்ஜிக்கூட (வெளிநாட்டில் ரொட்டி , பிரட் ) கிடைக்காதபோது இறைவன் உங்களை இந்த அளவிற்காவது வைத்துள்ளானே என்று நன்றி கூறுங்கள்.

நம் உடலில் உள்ள உறுப்புக்கள் அதுஅது அதன் வேலையை திறன்பட செய்கிறது. அது அடுத்ததை குறை சொல்வதுமில்லை , பொறாமை படுவதுமில்லை.