ஜெய்லானி

எசப்பாட்டு

2012-02-13T20:30:00.001+04:00

டிஸ்கி : இடிப்பார் இல்லா......மண்ணன் கெடுப்பார் இலானும் கெடும் இலவசமா வாங்கிட்டு ...எதிர் கட்சின்னு ஒன்னைகூட விட்டு வைக்காத தமிழ் நாட்டு மக்களை நினைச்சா ஹி...ஹி.... ரொம்ப பெருமையா இருக்கு

இது அரசியல் பதிவுன்னு நினைச்சு ஆட்டோ ஷேர் ஆட்டோனு செலவு செய்துகிட்டு வராதீங்க ..நான் அந்தளவுக்கு ஒர்த இல்ல ஹி...ஹி....

கொசு பேசும் வார்த்தைகள் புரிவதில்லை
காத்திருந்தால் கரெண்ட் வருவதில்லை
ஒரு கடி மறைய மறுகடி தெரிய
பிளாஸ்டிக் உடம்பு இல்லை
உடல் பெட் ஷீட் மூடி முடிவதில்லை
பிளாஸ்டிக் உடம்பு இல்லை
உடல் பெட்ஷீட் மூடி முடிவதில்லை

கொசு பறந்த பிறகும்
கடியின் தழும்புகள் அழிவதில்லை
கடித்த காயம் நூறு கண்ட பிறகும்
உடல் அரிப்பு நிற்ப்பதில்லை
ஒரு முறைதான் கொசு கடிப்பதினால்
வருகிற வலி யாரும் அறிவதில்லை
கனவினிலும் பகல் நினைவினிலும்
அழுகிற என் மனம் புரிவதில்லை
(கொசு பேசும்...)

பகலியே எரியும் ஸ்டீட் லைட்டை கண்டுகொள்ள யாருமில்லை
என்னிடம் அனுமதி வாங்கி கரெண்டும் இங்கே போவதில்லை
’தாத்தா’வினால் 4 மணிநேரம் ’அம்மா’வினால் 8 மணிநேரம்
5 வருஷம் உனக்கு சொந்தமடி வேதனைகள் எனக்கு சொந்தமடி

கொசுபேட்டினால் அடிக்க பேட்டினில் கூடசார்ஜ் இல்லை
கொசு கடிச்சு போன பின்னே மலேரியா டைஃபாய்டு மட்டும் எனக்கே சொந்தமடா
(கொசு பேசும்...)

உலகத்தில் எத்தனை கொசு உள்ளது
அது என்னைய மட்டும் கடிச்சு கொண்டாடுது
இன்னொரு முறை கடிக்க திண்டாடுது
வலி உயிர்வரை பாய்ந்து பந்தாடுது
கண்ணீர் துளி வந்து முட்டியதால்
இந்த முக்கும் இங்கே முனங்கியது
சாக்கடையில் உள்ள கொசுக்களெல்லாம்
அட வீட்டிற்குள்ளே குடி புகுந்தது
கரெண்ட் வந்தால்தால் ஃபேன் இருக்கும்
அறையில் கொசுக்களும் பறந்து விடும்
அழுகை வரும் அழுகை அழுகையா வரும்
கரெண்ட் போனால் விம்மல் கூட கலந்து வரும்
கொசு பேசும் வார்த்தைகள் புரிவதில்லை
காத்திருந்தால் கரெண்ட் வருவதில்லை
ஒரு கடி மறைய மறுகடி தெரிய
கண்ணாடி உடம்பு இல்லை
உடல் பெட் ஷீட் மூடி முடிவதில்லை
கண்ணாடி உடம்பு இல்லை
உடல் பெட்ஷீட் மூடி முடிவதில்லை

கொசு பேசும் வார்த்தை .......
(கொசு பேசும்..)

கேசரி.....!!

2012-01-30T16:31:00.000+04:00

வழக்கமா வாக்கிங் போகிற வழியில ((நீ வாங்கிங் எல்லாம் போவியான்னு யாரும் கேட்கப்பிடாது )) புதுசா ஒரு டிராவல் திறந்தாங்க. பார்க்கிறதுக்கு நல்லா கண்ணுக்கு குளிர்ச்சியா ஏகப்பட்ட லைட்ஸ், டெக்ரேசன் ஒரே அமர்க்களமா இருந்துச்சி. எங்கயாவது புதுசா ஏதாவது திறந்தா நமக்குதான் வேடிக்கையா இருக்குமே. உள்ளே போய் பார்ததுல ஒரு பிளேட் கேசரி ஃபிரி ...... கேசரியின் மணம் குணத்தில் (உபசரிப்பில் ) சொக்கி போய் அடுத்த பிளேட் எக்ஸ்டிரா .....(( ஃபிரியா கிடைச்சா ஃபினாயிலும் குடிப்போமுல்ல )).

அலோ..அலோவ்வ்வ்வ்வ்

காலை மதியம் என இரெண்டு வேளை வரும் போதும் போகும் போதும் ஒரு லுக்.....அடுத்த நாள் ஊருக்கு ஒரு டிக்கெட் அங்கேயே போட்டேன் . ஒரு பிளேட் கேசரி கிடைத்தது. கூச்சப்படாமல் இன்னொரு பிளேட் வாங்கினேன் . திரும்பவும் அந்த பக்கம் வரும்போதும் போகும் போதும் ஒரு லுக் , ஒரு ஸ்மைல் ....

நாலாவது நாள் கடை திறக்கல...ஒரு வேளை கேசரி தீர்ந்திருக்குமோ..???... அதுக்கடுத்த நாள்..நோ ஓபன் ...அந்த வாரம் முழுக்க திறக்கல...... வேலை பிசியில் பிறகு நான் கவனிக்கல அதுக்கும் அடுத்த வாரம் பார்த்தால் வேறு ஒரு பார்ட்டி அங்கே வந்து சலூனுக்கு உள்ள டெக்ரேஷன் ஆரம்பிச்சாங்க . கடை காலி ....அவ்வ்வ்வ்வ்வ்வ் .

ஹி...ஹி.... எங்கே பிடிங்க பார்க்கலாம்

நடுவில் ஃபிரியாக ஐஞ்சு நாள் லீவு கிடைக்க ..இங்கே இருந்து வெட்டியா பொழுதை போக்குவதை விட (( உள்ள வேலையிலும் அதைதான் செஞ்சிகிட்டு இருக்கோங்கிறது வேற விஷயம் ஹி..ஹி.... )) ஊருக்கே போகலாம் ஆனால் ஃபிளைட் டைமிங்கை மாற்ற வேற ஒரு டிராவல்ஸுக்கு போகும் போதுதான் தெரிஞ்சுது . யாருமே மாற்றி தரமாட்டாங்கங்கிர விஷயம் ..

நிறைய டிராவல்ஸுல ஃபிளைட் ஸீட் காலி இருக்கான்னு கூட சொல்ல மாட்டேங்கிறானுங்க படுபாவி பசங்க ((ஒய் திஸ் கொலவெறியோ )) ..கடைசியில் ஒரு ஆள் கேட்டது நாளை மறு நாள் ஒரு சீட் இருக்கு .ஐ வில் சேஞ்ஜ் ஆனா 600 Dhs அதிகம் வேனுமின்னு . நான் போனாப்போகுது 400 Dhs வரை தர ரெடி .ஆனா பயபுள்ள ஒரு நயா பைசா குறைக்க தயாரில்ல . கடைசியில் ஒரு ஹைதராபாத பெண் DNATA வில் எதுக்கும் டிரை செய்யுங்கன்னு ஒரு அட்வைஸ்....!! . மற்ற ஷாப்கள் இரவு 11, 12 மணி வரை திறந்திருக்க ஆனால் கொடுமை இரவு 8 மணி ஆனாலே டிராவல்ஸை பூட்டிகிட்டு போயிடுறாங்க .

ஆ...இ....ஊ..அவ்வ்வ்வ்வ்வ்வ்வ்வ்

அடுத்த நாள் DNATAவில் போய் பார்க்க நம்ம நாட்டு ஏரியாவில் ஒரு மலையாளி பெண் .ஒன்னும் பேசாமல் டிக்கெட்டை நீட்டினேன். டேட் சேஞ்ச் வேனும் . பெயரை பார்த்ததும் ஒரு புன்(ண்)சிரிப்புடன் நீங்க பிலாக் எல்லாம் எழுதுவீங்களான்னு ஒரு கேள்வி . நான் தலையாட்டி வைத்ததும். (( அவங்க பிலாகர் இல்ல ஆனா ஒன்லி ரீடர் )). ஏக கலகலப்பு , சிரிப்பு ......ரசிகையாம் .((அடங்கொப்புறானே....)). ஸ்டேண்டிங்கில போனாலும் பரவாயில்லை .எப்படியாவது ஒரு சீட் கன்ஃபார்ம் செய்து கேட்டேன் . இன்னைக்கே போரீங்களான்னு ஒரு நக்கல.

நவ் வீ ஆர் ஃபிரென்ஸூஊஊஊஊஊ

பெட்டி எல்லாம் ரெடி இப்பவே ஏர்போர்ட் போகசொன்னாலும் ஓக்கேன்னேன்..பயபுள்ள அப்பவே ஈவினிங் 8 மணி ஃபிளைட்டு 5 மணிக்கு துபாய் ஏற்போர்டில் இருங்கன்னு கன்ஃபோர்ம் செய்து குடுத்தாங்க. சர்வீஸ் சார்ஜ் ஒரு ரூபாய் கூட வாங்கல .பிலாக் ஒரு பொழுது போக்குன்னு நினைச்சுகிட்டு இருக்கும் போது இப்படி ஒரு ரெஸ்பான்ஸான்னு இனி ஒழுங்கா எழுதுறேன்னு சொன்னேன் . அதெல்லாம் வேனாம் உங்க வழியிலேயே போங்க மாறவேனாமுன்னு ஒரு அட்வைஸ் .தொடர்ந்து எழுதும் படி ஒரு வேண்டுதல்

ஏன்னு கேட்டதுக்கு பிலாக் எப்பவுமே ரத்தகளரியாதான் இருக்கு .ஃபிரியா யாரும் எழுதுறதில்ல. அதனால நான் ஒரு சில பிளாக்தான் போவேன்னு சொன்னாங்க .முதல் தடவை சந்திப்பாக இருப்பதால் பக்கத்து கேண்டினில் கேசரி ஆர்டர் செய்தாங்க . இருக்கிற இடத்தை மறந்து கத்திவிட்டேன் திரும்பவும் கேசரியாஆஆஆஆஆஆஆஆ

விழிப்புணர்வு ? கர்ர்ர்ர்ர்ர்ர்ர்ர்ர்ர்ர்ர்ர்ர்

2012-01-07T13:10:00.002+04:00

கால நேரங்களை படைத்தது இறைவன் செயல்தான். அந்த நேரங்களில் நமக்கு ஏதாவது ஆதாயம் கிடைச்சா நல்ல நேரம். ஏதாவது பிடிக்காத விஷயம் நடந்தா கெட்டநேரமா நினைச்சுக்கிரோம். ஆனா சில நேரம் நாம வாய திறந்து சொல்லி அது மாதிரியே ஏதாவது நடந்திட்டால் அவ்வளவுதான் . ஒரு பக்கம் நமக்கு நல்லபேர் கிடைக்கும் அடுத்த பக்கமோ கெட்டபேர்தான் .

இந்த வகையில பிளாக் வாழ்க்கையில விழிப்புணர்வு பதிவு அவசியமாங்கிற கேள்வி மனசுல ஓடிகிட்டு இருக்கு . பல சமயம் மொக்கையா ஓட்டுறது பெட்டரோன்னும் தோனுது . நியூட்டனின் எதிர்வினை கொள்கைதான் காரணம் ஹா..ஹா..

பொதுவா எல்லாருடைய வீடுகளிலும் கிச்சனில்தான் ஃப்ரிட்ஜ் இருக்கும் . காரணம் ஏதாவது அவசரத்துல எடுக்க வசதியான இடம் கிச்சன்தான். ஆனா மாத்தி யோசிக்கும் போது ரொம்பவும் டேஞ்சரா தெரிஞ்சுது. இதை ஒரு அரபி வீட்டில சொன்னேன் . அந்த ஃபிரிஜ்ஜில ஒரு ஒட்டகத்தையே உள்ளே நுழைக்கலாம் அவ்வளவு பெரிசு .

ஆனா அவர் கண்டுக்கல..இத்தனை வருஷமா இருக்கு , தான் பார்த்த வரை பல பேர் வீட்டில இப்பிடிதானே இருக்கு எந்த பிராப்ளமும் இல்லையேன்னு அவர் கவலை படல. நான் சொல்லிய நாலாம் நாள் காலையிலேயே என்னைய தேடி வந்துட்டார் .காரணம் ஃபயர் ... கிச்சன் , அதை ஒட்டிய இரெண்டு ரூம் ,ஒரு பாத்ரூம் , ஃபிலிபைனி ரெஸ்ட் ரூம் எல்லாமே காலி .. இது நடந்தது எல்லாம் அரைமணி நேரத்துக்குள்ளேயே ....அந்த இடத்தில் பிலிபைனி 2 பேர் மட்டுமே இருந்ததால் எஸ்கேப்...இது நடந்தது அதிகாலை 3 மணி போல

விஷயம் இதுதான் அவர்கள் வீட்டில இருந்த குழந்தைகள் கேஸ் பர்னரை லேசாக திருகி விட்டிருக்கு இரவின் கடைசி நேரமா இருந்ததால யாரும் கவனிக்கல.. லேசா லீகேஜ் ஆன கேஸ் கிச்சன் பூரா ஆகிருக்கு. எந்த லைட்டும் , எக்ஸாஸ்ட் ஃபேனும் ஓடல.. தற்போது குளிர் காலமா இங்கே இருப்பதால லேட்டா ஆட்டோமேடிகா ஃபிரிட்ஜின் கம்ப்ரசர் ஆன் ஆனதால அதோட ஸ்விட்ஜில எழுந்த லேசான தீப்பொறி (ஸ்பார்க்) ஒட்டு மொத்த ஃபயரா மாறிட்டுது .

ஏற்கனவே அறை முழுக்க கேஸ் பரவி இருந்ததால ஆயில் பெயிண்டிங் சுவர் வரை தொடர்ந்து எரிந்து விட்டது .ஃபிலிபைனி பெண் அலறி அடித்து எழும்பி அரபியை எழுப்பி வருவதுக்குள் உள்ளே இருந்த பொருட்கள் எல்லாம் எரிந்து விட்டது .சுவர் வரை கிரேக் ஆகிட்டுது

மொத்த வீடும் கரெண்ட் இல்லாமல் இருக்க டெம்ரவரியா அந்த ஏரியாவை மட்டும் விட்டு விட்டு மற்றதை ஆன் செய்து குடுத்தேன் .அரபி : நீ சொன்னதால என் வீடு எரிஞ்சுதா ..??? என் வீடு எரியப்போவது உனக்கு தெரியுமா..???

நான் : அவ்வ்வ்வ்வ்வ்வ்வ்வ்வ்வ்வ்வ்வ்வ்.

டிஸ்கி : இதால வரும் நீதி நமக்கு தெரிஞ்சாலும் வாயை திறக்கக்கூடாது .

2012 +++++ 100

2012-01-02T02:28:00.001+04:00

ஒரு காலத்துல பத்திரிகைகளுக்கு கார்டில எழுதிப்போட்டா அது அச்சில வர குறைந்தது (அப்படியே வந்தா) 2 மாசமாவது ஆகும் . இப்போது கூகிள் குடுத்த வரத்தால சில நிமிடங்களில் நம்மால பதிவிட முடிகிறது .பதிலிடவும் முடிகிறது .

சமைத்தாலோ இல்லை கடையில் போய் வாங்கினாலோ மட்டும்தான் சாப்பிடவே முடியும் .அதை விட்டுவிட்டு சாப்பாடோ இல்லை நீரோ தானே வாய்க்கு வந்தால் போதும் என்று நினைப்பது எவ்வளவு முட்டாள்தனமோ அதுப்போலதான் எல்லோரையுமே தன்னைமாதிரியே (ஙே) அறிவாளியா நினைப்பதும் .

ஒருவருக்கு சமையல் மட்டுமே வரும் .அவரைப்போய் கவிதை எழுத சொல்ல முடியுமா..?. ஒரு ஓவியரைப்போய் புனைவு எழுத வைக்க முடியுமா..? .யாருக்கு எது வருமோ அவரால் அது மட்டும்தான் முடியும் . நமக்கு பிடித்திருந்தால் நேரம் இருந்தால் மறுமொழி இடலாம் . பதிவுலகில் ரீடரில் மட்டுமே எத்தனையோ பேர் படித்துவிட்டு போய்விடுவார்கள். அவர்களுக்கு பிடித்திருக்கும் பட்சத்தில் :-) .

திரட்டிகள் என்பது வெறும் ஓட்டை மட்டுமே முதல் காரணியாக வைத்து செயல்படுபவை . அதில் குறுக்கு வழியில் எப்படி முதலில் வருவது என்பதும் பல பதிவர்கள் சொல்லி இருக்கிறார்கள். இதில் முதலிடம் பிடித்து அதில் ஒரு முட்டையை கூட வாங்க முடியாது என்பது நிதர்சனமான உண்மை .

சிலருக்கு எப்படியாவது ஹிட்ஸ் வாங்கனுமின்னு மதம் ,மொழி , இணங்களை போற போக்கில தெரிந்தும் தெரியாத மாதிரி கிள்ளிவிட்டுட்டும் போறதுண்டு . அதுக்காக நாமளும் வரிந்துகட்டிகிட்டு போவது சரியில்லை. என்னதான் ஃபில்டர் காப்பி போட்டாலும் சில நேரம் டம்ளரில் காஃபி டஸ்ட் இறங்கிடும் அதுக்காக காஃபி குடிக்காமலா போயிடுறோம் இல்லையே...கடைசியில டம்ளரில் கொஞ்சம் வச்சிட்டுதானே போரோம் .அது மாதிரி இதுகளை சிலநேரம் கண்டுக்காம போயிட்டே இருக்கனும் .

இதுவுமில்லாம நா எப்படியாவது இருப்பேன். ஊருக்கு மட்டுமே உபதேசம் என்பது மாதிரி பசுத்தோல் போர்த்திய புலிகளும் பதிவுலகை எப்போதும் காரசாரமாக வைத்திருக்காமல் கொஞ்சம் அமைதியாக கலகலப்பாக வைத்திருப்பது நல்லதுதானே..!! .

சிலருக்கு பதிவை காபி பேஸ்ட் செய்வது ரொம்ப பிடிச்ச மேட்டர் . ஏன்னு கேட்டா அவங்களுக்கு இது எப்படி தெரியுன்னு நினைச்சி (அது வேற பாஷையில இருந்தாலும் ) அப்படியே வாமிட் செய்வது .அடப்பாவிங்களா...

உலகத்திலே மூலையில எங்கேயோ நடந்த சின்ன விஷயத்தை ஊதி பெருசாக்கி ஆணாதிக்கம் , பெண்ணாதிக்கமுன்னு பரபரப்பாகவே செய்தி வெளியிடுவது (ஆனா யார் அது என்ன அதுன்னு கடைசிவரை சொல்லவே மாட்டாங்க ) என்ன கொடுமை ச...

படத்துல இருப்பது நீயான்னு யாரும் கேட்டுடாதீங்க மீ -க்கு 3 வயசுதான் ஆகுது ஹி..ஹி...

நமக்கு தெரியாததை தெரிந்துக்கொள்வதும் தெரிந்ததை மற்றவர்க்கு சொல்வதும்தான் நல்ல பதிவர்க்கு அழகு அது மொக்கையாக இருந்தாலும் கூட

டிஸ்கி : நான் இப்பிடியெல்லாம் சொல்லுவேன்னு நம்பிட்டீங்களா.. ஹய்யோ...ஹய்யோ.....!! புது வருடம் கொண்டாடும் அனைவருக்கும் இனிய புத்தாண்டு வாழ்த்துக்கள் வாழ்வில் வரும் எல்லா நாளும் நல்ல நாளே. இனியும் வரும் நாட்கள் நலமுடனும் வளமுடனும் வாழ நல்வாழ்த்துக்கள் many more happy happy returns of day ((ஆனா ஒரு வயசு அதிகமா போய்டுமே..அவ்வ்வ் ))

டிஸ்கி : ஒரு வழியா மொக்கையா போட்டு இதை 100வது பதிவா ஆகிட்டேன் .இதில் உள்ள அனைத்து ஃபாலோயர்களும் ஒரே இடத்துல கூடுவதாக இருந்தால் முட்டை வித் மட்டன் பிரியாணி என் செலவு . சைவ பிரியர்களுக்கு வெஜ் பிரியாணி . :-)

சந்தேகம் -9 விண்வெளி

2011-10-23T23:35:00.000+04:00

கொஞ்ச நாளைக்கு ஒரு தடவை பீதியை கிளப்புறது நாசாவோட வேலை . எப்பவெல்லாம் விண்கற்கள் பூமியை அட்டாக் செய்யும் .அப்படின்னு ஒரு பெரிய லிஸ்டே வச்சிருக்கு . அதுல ஒன்னு 2019 பிப்ரவரி 1ம்தேதி யோட பூமி அழியப் போகுதாம். மாயன் காலண்டரை விட இவங்க வச்சிருக்கிற காலண்டர்தான் ரொம்பவும் பயங்கரமா இருக்கு .

நாசாவுக்கு யாராவது அப்பாயின்மெண்ட் வாங்கி தாங்களேன் . இருக்கிற கொஞ்ச நஞ்ச சந்தேகத்த அங்கேயே கொட்டிட்டு வந்துடரேன் J). பூமிக்கு வெளியிலிருந்து வரும் எந்த ஒரு விண் கல்லோ இல்லை எதுவாக இருந்தாலும் அது பூமியின் காற்று மண்டலத்தை தொடும்போது உராய்வினால் வெடித்து சிதறிவிடும் . இப்படி ஒரு ஸிஸ்டத்தை இறைவன் படைத்திருக்கிறான் .அப்படினு ஸையண்டிஸ்டுகள்தான் சொல்றாங்க

இதனால் அந்த பொருள் பூமியை தொடும் போது அதோட வேகம் குறைந்து பெரும்பாலும் கடலிலேயே விழுந்து விடும் .(நிலத்தை விட நீர்தானே 2 மடங்கு இருக்கு )இரெண்டு பேர் மேல் விழுந்து காயமான ரிப்போட் இருக்கு . அதுவுமில்லாம தினமும் சின்ன சின்ன துகள்கள் விழுந்துகிட்டேதான் இருக்கு.

என்னதான் விதவிதமா பயமுறுத்தினாலும் பிறந்த மனிதன் ஒரு நாள் இறக்கத்தானே வேனும் . இதானே இயற்கையின் விதி அப்படி இருக்கும் போது இதையெல்லாம் நினைத்து ஏன் கவலைப்படனும் . இதுல எனக்கு ஒரு சந்தேகம் என்னன்னா .இந்த ஒரு விண்கல்லாலேயே நம்ம பூமிக்கு மிகப்பெரிய அழிவுன்னு சொன்னா அதுக்கு அப்புறம் வரும் கல்லாலே இல்லாத பூமியை என்ன செய்து விடமுடியும் .அதுக்கு ஏன் இத்தனை பெரிய சார்ட் ரெடி செய்யனும். டைம் கிடைச்சா இங்கே பாருங்க

நானும் இதே சந்தேகங்களை ஒரு மெயில்ல கேட்டு எழுதினேன் .என்ன ஆச்சுன்னே தெரியல ....இதுவரை பதிலே கானோம் . ஒரு வேளை இதை வச்சி ஏதும் ஆராய்ச்சி செய்றாங்களான்னு தெரியல .ஹி..ஹி.... இதுல முதல் கேள்வி எந்த ஒரு வெளிப்பொருளும் நமது காற்றுமண்டலத்துக்குள் நுழையும் போது வெடிச்சு சிதறிவிடும் என்றால்.இங்கிருந்து அனுப்பும் இந்த ராக்கெட் மட்டும் எப்படி ஒன்னுமே ஆகாம போய்ட்டு பத்திரமா திரும்பி வருது ..அந்த ரகசியத்தை தெரிஞ்சவங்க யாராவது கொஞ்சம் சொல்லுங்களேன்.

தமிழ்மணம் பெயரில் மட்டும்

2011-10-17T15:57:00.001+04:00

இந்த உலகத்திலே யாராக இருந்தாலும் ஏன் எதற்கு எப்படின்னு கேள்வி கேட்டே அதற்கு பிறகு ஒத்துக்கொள்கிறான். அது அவனை படைத்த இறைவனே நேரில் வந்த போது கூட நீ யார் என்ற கேள்வியையே கேட்டிருக்கின்றனர். விமர்சனத்திறகு அப்பாற்பட்டு யாரும் இல்லை.

ஒரு இயக்கத்தை நடத்துபவர் என்றால் அதில் ஆயிரம் கேள்விகள் வரத்தான் செய்யும் .முடிந்தவரை நாகரிகமாக அதற்கு பதில் சொல்லலாம். இல்லை இதற்கு மேல் சொல்ல ஒன்றும் இல்லைன்னு ஒதுங்கி விடலாம் . அதை விட்டு விட்டு படிக்கவே கண் கூசும் அளவிற்கு கேவலமாக காலையிலிருந்து மாலை வரை அங்கேயே உட்கார்ந்தூ வேலை வெட்டி இல்லாமல் பதில் போட்டுக்கொண்டு தன்னுடைய கீழ்தர புத்தியை காட்டிய கொடுமையை என்னவென்று சொல்வது .

இப்போது நமது சகோதர , நண்பர்களின் பதிவுகள் தொடர்ந்து வெளிவருவதால் திரும்பவும் அதே வார்த்தைகளை இங்கே உபயோகிக்க விரும்ப வில்லை ..டெரார் கும்மியில் அந்த கேவலப் பேச்சுக்களை கேட்டு எனக்கு ரத்தம் கொதித்தாலும் சக நண்பர்கள் பொருமை காத்ததால் அங்கே கமெண்ட் இடாமல் விட்டு விட்டேன் .

பதிவுக்கும் , அங்கே இருக்கும் யாருக்கும் எந்த சம்பந்தமும் இல்லாமல்

"...சாந்தியும் அவ அக்கா சமாதானியும் உங்களுடன்கூடியே..சே! பதிவுத்தோஷம்.. கூடவேயிருப்பார்கள்..."

இந்த வார்த்தை அங்கே வரவேண்டிய அவசியம் என்ன ..?அதுவும் எந்த ஒரு முஸ்லீமும் அடுத்தவரை முதலில் பார்க்கும் போது சொல்லும் அழகிய வார்த்தை “உங்கள் மீது இறைவனின் சாந்தியும் சமாதானமும் நிலவட்டும் “ இதை திரித்து கேவலமாக பேச யார் உரிமை கொடுத்தது. ஒரு தனி பதிவர் சொன்னால் ஏதோ அறியாமல் உளறிவிட்டார் என்று 0.001ன்னாவது நினைக்கலாம் .ஒரு தள நிர்வாகியே சொல்லுவதென்றால் ....??????

இதை தனிப்பட்ட மெயிலில் கேட்கும் போதே சாக்கு போக்கு சொன்னவர். உடனே அவருடைய பிளாகில் இது உனது தனிப்பட்ட மொழியா..??? அரசியல்வாதி சொல்லவில்லையா..?? கோயில் கும்பாபிஷேகத்தில் சொல்லவில்லையா..?? என்று பதிவிட என்ன அவசியம்..!! இந்த வார்த்தை அரசியல்வாதி ஓட்டு கேட்டுவரும் போது மட்டுமே சொல்வான் , கோயில் கும்பாபிஷேகம் தினமுமா நடக்கிறது ..ஆனால் ஒரு முஸ்லிம் அடுத்த முஸ்லிமை பார்த்தாலே சொல்லுவானே...!!! பெரியவர் சிரியவர் என்ற அளவுகோல் இல்லாமல் இல்லாமல் எல்லோரும் சொல்லும் சொல் அல்லவா..!!! அரபு நாடுகள் போய் வந்தவரை கேட்டால் அதன் பெருமையை சொல்வாரே

எச்சரிக்கை :

உடனே தமிழ்மனத்திலோ இல்லை தன்னோட பிளாகிலோ கண்டிப்பாக மண்ணிப்பு கேட்டே ஆக வேண்டும் . இந்த அறிவிப்பு இந்த வாரத்துக்குள் வரவேண்டும் .கொஞ்ச நாள் போனால் மறந்து விடுவார்கள்

இவர்களால் என்ன செய்யமுடியும் என்று நினைத்தால் ...??? அடுத்த வாரம் எங்கள் நிறுவனம் மூலமாக அரசுக்கு ரெட் நோட்டீஸ்(கோரிக்கை) அனுப்பப்படும் அதை தொடர்ந்து அரப் எமிரேட்டில் தமிழ்மணம் சுவடு இல்லாமல் நீக்கப்படும் .

இதே நிலை வளைகுடா நாடுகளில் உள்ள மற்ற இஸ்லாமிய அரசுக்கும் கோரிக்கை போகும் .அங்கும் தமிழ்மணம் நீக்கப்படும்

வளைகுடாநாடுகளில் தமிழ்மணத்தின் பக்கமே திறக்காது.என்பதை வருத்தத்துடன் தெரிவித்துக்கொள்கிறோம் .திருந்த ஒரு சான்ஸ் மட்டுமே

டிஸ்கி :- இந்த ஒரு பதிவுக்கு மட்டுமே என் பிளாகில தமிழ்மண ஓட்டுபட்டை இருக்கும் . யாராவது ஓட்டுபோடாம இதுவரை இருந்தா சந்தோசமாகவோ இல்லை துக்கமாகவோ ஒரு தடவை வந்து குத்திட்டு போங்க . என் அடுத்த பதிவிலிருந்து நான் தமிழ்மணத்தை டைவேர்ஸ் செய்கிரேன் ஆர்டர்..ஆர்டர்......!!!!J

போயே போச்- போயிந்தி -இட்ஸ் கான் -காயஃப்

2011-09-29T19:04:00.000+04:00

பிளாக் சம்பந்தமா எழுதி நாளாகி விட்டதால இருக்கும் சொந்த சந்தேகங்களை ஒரு பக்கம் ஒதுக்கி வைத்து விட்டு சமீக காலமாக பிளாகை கலங்கடித்துக் கொண்டிருக்கும் பெரிய சந்தேகத்தை தீர்க்கலாமென்னு ஓடோடி வந்த என்னை ....(( சொல்லு ஷாந்தா சொல்லுன்னு யாரோ நம்பியார் ஸ்டைலில் சொல்லுவது கேட்குது ))

அனைந்து எரியும் மெழுகு வர்த்தியைப்போல ஓரிரு நாட்கள் முரண்டு பிடிக்கும் பிளாக் திடீரென்று ஒரு நாள் ரெட் லைட்டை காட்டி விடுகிறது . உனக்கு இங்கே வேலை இல்லை ஓடிப்போங்கிற மாதிரி . அது வரை பிளாக் + டெம்பிளேட் டவுன்லோட் செய்யாதவர்கள் படும் டென்ஷன் சொல்லி மாளாது. அவர்கள் டென்ஷன் நம்மையும் சில நேரம் ஆட்டி படைக்கும் . இதுக்கு முதல் காரணம் மால்வேர் என்று சொல்லக்கூடிய கோள் சொல்லும் புரோகிராம்தான். நமக்கு தெரியாமலேயே அதை அனுப்பியவர்க்கு நம்முடைய சொந்த சரக்குகளை பார்ஸல் செய்து அனுப்பிக்கொண்டிருக்கும் .

எங்கே செல்லும் இந்த பாதை ....!!!

சரி இதை எப்படி சரி செய்வது..? இதை ஏன் நம்முடைய ஆண்டி வைரஸ் சிலசமயம் கண்டுக்கொள்ள மாட்டேன் என்கிறது ..? அடிப்படை காரணம். பிளாக் நம்முடைய சொந்த கம்ப்யூடரில் இல்லை . கூகிள் சர்வரில் இருக்கிறது . அதை இயக்கும் , அதை புரிந்துக்கொள்ளும் தன்மை நம்முடைய கம்யூட்டரில் இருக்கிறது. கூகிள் குடுக்காத கோட்களை நாம் இனைக்கும் போது அந்த கோட்களை குடுத்த சர்வரை மால்வேர் தாக்கும் போது அது (கோட்) இனைக்கப்பட்ட அத்தனை பிளாகையும் அது பாதிக்கிறது . சில நேரம் பிஸினஸ்களுக்காக கூகிளே நிறுத்தி வைக்கலாம் .ஓசியில உபயோகப்படுத்தும் நாம் அதை கேள்வி கேட்கமுடியாது. பிளாக் +டெம்பிளேட் காப்பி இருந்தால் புதியதாக ஒரு பிளாக் ஓபன் பண்ணி அதை திரும்ப கொண்டு வரலாம் .

சரி மால்வேர் பாதித்த நமது பிளாகை இரெண்டு வகைகளில் திரும்ப பெறலாம் . அதில் முதலாவது உங்களுடைய டெம்பிளேட்டை டேஷ் போர்ட் >> டிஸைன் >>எடிட் எச் டி எம் எல் போய் அதில் மேலே எக்ஸ்பேண்ட் விஜெட்டில் டிக் செய்து அதிலுள்ள கோட்களை ஒரு நேட் பேடில் காப்பி செய்துக்கொள்ளவும். அதில் நாம் தேடவேண்டியது எங்கே ஜாவா ஸ்கிரிப்ட் , எக்ஸ் எம் எல் கோட் முடியுதோ அங்கே “ nn “ சந்தேகத்து க்கிடமான எழுத்து இருக்கான்னு பார்க்கனும் (( look at the code carefully, and look for "Gadgetnn" and "HTMLnn", where "nn" will be the sequential number for that HTML / XML gadget. This is important ))

இது கிடைத்ததும் அதுக்கூடவே <div class='widget Gadget' id='Gadget1' /> அல்லது <div class='widget HTML' id='HTML1' /> இந்த வரி இருந்தால் இதை முன் பின் யோசிக்காமல் டெலிட் செய்யவும் . உங்களிடம் ஆல்ரெடி பழைய டெம்பிளேட் காப்பி இருப்பதால் பயப்படவேண்டியதில்லை . இந்த வரி ஒரு வேளை உங்களுக்கு கிடைகாமல் போனால் .கடந்த இரெண்டு மூனுமாத்துக்குள்ளே ஏதாவது புதியதாக சேர்த்திருந்த விட்ஜெட் , ஜாவா ஸ்கிரிப்டை டெலிட் செய்யவும் . ((கடந்த காலங்களில் உலவு பட்டை நிறுவி இருந்த கம்யூட்டர்கள் பிளாக் ஓபன் செய்ய நிறைய கஷ்டங்களும் , வார்னிங்க மெசேஜ்கள் வந்ததும் .பின் அந்த பட்டையை நீக்கியதும் சரியானது நினைவு இருக்கலாம் )) உங்களுக்கு அந்த கோட் தேவை என்று இருந்தால் ஒரு சில மாதங்கள் கழித்து இனைத்துக்கொள்ளலாம் . அதற்குள் அந்த கோட் வழங்கிய நிறுவணம் பிரச்சனைக்குறிய மால்வேரை நீக்கிவிடும்.

ஏன் நான் ரோட்டு நடுவில நின்னா பார்க்கமாடீங்களா..???

பிளாக் உலகமே ஜாவா , ஜாவா ஸ்கிரிப்டில்தான் செயல் படுகிறது . காப்பி பேஸ்ட் செய்யாமல் இருக்கவும் இதில்தான் கோட் வருகிறது . டெம்பரவரியாக இதை நிறுத்தி வைத்தால் மொத்த பிளாகையுமே காப்பி பேஸ்ட் செய்து விடலாம் . பிரவுசர் கேச் (( Clear browser cache. )) திரும்ப டெஸ்ட் செய்துப்பாருங்கள் . பிளாக் திறக்கும் அப்படி திறக்கவில்லையென்றால் முதலிலிருந்து திரும்ப தொடரவும் . சரியாகி விடும் .

இரெண்டாவது வழி : கூகிள் வெப்மாஸ்டர் டூல் இதுவும் பிளாக் டேஷ்போர்டில் கீழே இருக்கும் . இதை திறந்து இதன் முகப்பு பக்கத்திற்கு போய் அதில் உங்கள பிளாகையும் இனைக்கவேண்டும் . இனைத்தால் அது கூகிளுக்கு சப்மிட் கேட்கும் குடுத்தால் அடுத்த 24 மணி நேரத்திற்குள் அது சரி செய்யும் .அது குடுக்கும் கோடையும் உங்க பிளாக் உள்ளே டெம்பிளேடில் < ஹெட் > கோடுக்கு முன் குடுத்தால் அடுத்த தடவை மால்வேர் வார்னிங் வராது .

ஸ்பெஷல் ஜுஸ்

2011-09-23T12:23:00.000+04:00

பாக்கெட்டுகளில் அடைக்கப்பட்டு வரும் ஜுஸ்கள் விலைக்குறைவாக இருக்கும் மர்மம் பற்றி பலதடவை யோசித்திருக்கிறேன் . அதே பழங்களை ஃபிரெஷாக வாங்கும் போது விலை அதிகம் . என்னதான் மொத்தமாக வாங்கினாலும் . தயாரிப்பு செலவு அடக்க விலை , தொழிலாளர்கள் , மிஷனரிகள் , டிரான்ஸ் போர்ட் இப்ப்டி பல விஷயங்கள் இருக்கே..!!

ஒரு பழத்தை ஜூஸாக செய்தால் அதிக பட்சம் இரெண்டு நாள் வரும். அதுக்கு மேல் அதுக்கு கேரண்டி கிடையாது. இது இல்லாமல் இதை பாக்கெட் செய்யும் போது முழுக்க முழுக்க 100 சதம் ஜுஸ் மட்டுமே வைக்க முடியாது .இதனால்தான் .சில கெமிக்கல் சேர்த்து விற்பனைக்கு வருகிறது. ஒரு சில மில்லி க்கும் மிக க்குறைவாக சேர்ப்பதால் நமது உடம்புக்கு ஒன்னும் ஆகாது .இதுவே இந்த பொருட்களில் கலப்படம் செய்தால் நமது உடம்பு தாங்காது . அதிகளவு சர்க்கரையும் , சிலதில் போதை ஐட்டமும் சேர்ப்பதால்தான் நாமும் இதற்கு அடிமைப்பட்டு தொடர்ந்து வாங்குகிறோம் .

உதாரனமாக சாதாரன லெமன் ஜுஸை சில மணி நேரங்களுக்குள் உபயோகப்படுத்திட வேண்டும். இல்லா விட்டால் அதன் நிறம் கருப்பாக மாறி விடும் .இருக்கும் பாத்திரத்தையும் வீனாக்கிவிடும் .இதற்குதான் அதே நிறத்தை கொடுக்கும் சில கெமிக்ல்லை சேர்த்தால் ஒரு வருடம் ஆனாலும் அப்படியே இருக்கும் . ((ஆனா உங்கள் உடம்புக்குதான் கேரண்டி இல்லை ஹி..ஹி.. )).

ஓகே திரும்பவும், முதல் வரியிலிருந்து ஆரம்பிக்கிறேன் .ஒரு சில தயாரிப்புகளில் உதாரணம் மாங்காய் .ஜுஸ் கட்டியாக இல்லாமல் தண்ணீர் அதிகம் சேர்த்து போல் இருக்கும் .சிலதில் ஜுஸாகவே இருக்கும் .அதுவும் மாம்பழம்தான் , இதுவும் மாம்பழம்தான் அப்புறம் ஏன் இந்த இரெண்டு வகை குவாலிட்டி. ஒன்றில் கெமிக்கல் எக்ஸ்ராக்ட் அதிகம் இருக்கும் . மற்றொன்றில் மாம்பழ ஒரிஜினல் ஜுஸாகவே இருக்குமுன்னு நினைச்சா நீங்க கண்டிப்பாக ஏமாளிதான் .

இரெண்டிலுமே வாசனை க்குதான் மாம்பழம் இருக்கும் கலர் சேர்த்து இருப்பார்கள்.வருடம் முழுவதும் மாம்பழம் எங்கிருந்து வருமுன்னு யோசிக்கும் போது உண்மை புரியும் . எனது இத்தனை சந்தேகத்துடன் ஒரு புகழ் பெற்ற கம்பெனிக்குள் உள்ளே நுழைந்தேன்.(( இதை அது மாதிரி கம்பெனி நிர்வாகிகள் படிச்சால் என்னை கம்பெனி உள்ளே விடுவானுங்களான்னு தெரியல ..ஹி...ஹி.. )) .

ஒரு பக்கம் வாழைப்பழம் , மாம்பழம் , கொய்யா இப்படி நிறைய ஐட்டங்கள் இருந்தது.. ஒவ்வொன்னா பார்த்துகிட்டே போனேன் . இதன் இன்னொரு ஸைடில உருளை கிழங்குகள் டன் கணக்கில் இருந்துச்சி .நான் இதை வித்தியாசமா பார்த்ததை கண்டு நைஸாக என்னை வேறு பக்கம் கொண்டு போய்ட்டார் .இப்போதுதான் என்னோட ஒட்டு மொத்த சந்தேகமும் தீர்ந்தது அடப்பாவமே...!! வாழைப்பழம் கிலோ 3 ரூபாய் ஆனா உருளை கிழங்கு ஒரு ரூபாய்தான் ,,,, வித்தியாசம் புரிந்தது.

அப்படின்னா நாம மாம்பழமுன்னு நினைச்சு குடிப்பது முழுக்க மாம்பழஜுஸ் இல்லை. உருளை கிழங்கு ஜுஸ்தான், கொய்யா ஜுஸ் கிடையாது கொய்யா எஸன்ஸ் கலந்த உருளை ஜுஸ்..அவ்வ்வ்வ்வ்வ்வ்வ் . உள்ளே நாலு வித (ஙே) ஜுஸ் குடுத்தாங்க ..குடித்துகிட்டே வந்தேன் . உருளை சேர்ப்பதால் பழசாறுக்கு அடர்த்தி அதிகம் கிடைக்கிறது செலவும் இல்லை .உடலை குறைக்க விரும்புபவர்கள் இதை குடிச்சால் உடல் குறையாது மாறாக கூடவே செய்யும் ஏன்னா உருளையில் கார்போ ஹைட்டேட் மிக அதிகம். சர்க்கரை வியாதி உள்ளவங்க இதை அதிகம் சாப்பிடக்கூடாது . ஆனா இதை வெளியில சொல்லாம ரொம்பவும் ஈஸியா ஏமாத்திடறாங்க .யாருக்கும் தெரியாது .கவர்ச்சிகரமா யாரையாவது வைத்து விளம்பரம் செய்தால் அக்கா மாலா, கப்சி மாதிரி எது குடுத்தாலும் நமது மக்கள் வாங்கி குடிப்பாங்க .விளம்பரம்தானே முக்கியம் .

வெளியில் எதையும் வாங்கி குடிக்க வேண்டாம் .முடிந்த வரை பழங்களாக வாங்கி வீட்டிலேயே பழச்சாறு செய்யுங்கள். வெளியே நீண்ட தூரம் போக நேர்ந்தால் ஒரு பாட்டிலில் கொண்டுப்போங்கள். முடிந்த வரை சொந்தமாக கொண்டு போவதால் போலியிலிருந்து தப்ப முடியும் .எந்த வித கெமிக்கல் சேர்க்காத ஒரிஜினல் ஜுஸ் குடித்த திருப்தியும் உங்களுக்கு கிடைக்கும் இனி அடுத்த தடவை யாராவது பாட்டிலில் மாம்பழம் அது பெயர்......ன்னு சொன்னால் சொன்னவங்க முகத்துல சுடு தண்ணீயை ஊத்திடுவேன்னு சொல்லுங்க ஹி..ஹி...

ஓடி வாங்கோ!!! BOY பிறந்திருக்காம்ம்ம்:))

2011-09-13T00:51:00.000+04:00

இனிய பிறந்த நாள் வாழ்த்துக்கள் ஜெய்.... 13.09.2011.

இதில் குழப்படியாக, குட்டியாக இருப்பது மாயா:).

===========&&&&&&&&&&&&&&&&&&&&&&&==========

=========================================================

மனதில் பகைமையை வைத்துக்கொண்டு
வாழ்த்த முடியாது

வாழ்த்தும்போது பகைமை இருக்காது

-------------------------------------------------------- ஹைஷ் 126 ம.பொ.ர

=========================================================

டிஸ்கி: பிறந்த தினக் கொண்டாட்டம் முடிந்ததும், வலைப்பூ பழைய நிலைமைக்குத் திரும்பும்.

=========================================================

நம்பிக்கை ..???

2011-09-11T01:12:00.000+04:00

டிஸ்கி :- ஜோசியத்தை நம்பாதவங்களுக்கு இந்த பதிவு இல்லை

கடிகாரம் கண்டுப்பிடிக்காத காலங்களில் சூரிய , சந்திரனின் நிலையை வைத்து பருவகாலங்களை கணக்கிட்டான், அதை வைத்தே விவசாயம் நடந்தது. மழைக்காலங்களில் வேலை இல்லாத போது இருக்கும் அறிவை பயன் படுத்தி சேமிப்பை வளர்த்தான். ஜோதிடம் என்பது இவர்களை பொறுத்த வரை வான சாஸ்திரம், அறிவியல் .ஜோதிடம் ஆரம்பிச்சது அதிகமில்லை சுமார் கிமு 1200 லிருந்து கி மு 400 வரை தான்னு வாக்கிய பஞ்சாங்கம் சொல்லுது . இதுக்கு பிறகு வந்தது எண் கணிதம் ஏன்னு கேட்டா அப்போ டெலஸ்க்கோப் கண்டுப்பிடிக்க படல அதனால துல்லியமா எதுவும் சொல்வதுக்கில்லையாம் .

இதை இன்னும் நல்லா படிக்க உள்ளே போனா ((குண்டு சட்டிக்குள்ளே குதிரை ஓட்டுபவனுடைய நிலைதான்னு இன்னும் எத்தனை நாளைக்குதான் சொல்றது )) கிணற்று தவளை மாதிரி 7 கிரகம்+ 2 நிழல் கிரகம் உள்ளேயேதான் சுற்றி சுற்றி வரனும். நமது கேலக்சியில(பால் வீதி மண்டலம் ) லட்சக்கணக்குல சூரியனும் சந்திரனும் , நட்சத்திரங்களும் கண்டுபிடிச்சு அதுக்கு பேர் வைச்சு கட்டு படியாகாததால, அதுக்கு நெம்பர் போட்டு வச்சிருக்கான் இப்போதுள்ள மனுஷன் .ஆனால் அங்கே ..?

அந்த கிரகத்துக்கும் நம்ம மனுஷ உடலுக்கும் என்ன சம்பந்தமுன்னு கேட்டா உடனே பதில் வருவது சூரியனிடமிருந்து நமக்கு ஒளி வருது , அது இல்லாம உயிர் வாழ முடியாது , சந்திரன் சுழற்சியால அமாவாசை , பவுர்ணமி அன்னைக்கி அலை அதிகம் இருக்கும் . இதை தவிர வேறு லாஜிக் பதில் வரவே வராது . ((இதை பத்தி சொல்லப் போனா பெரிய தொடரா போயிடுங்கிறதால இதோடு நிறுத்திக்கிறேன் )).

ஒரு வேளை கடிகாரமே கண்டுப்பிடிகாத காலத்தில் மழை எந்த மாசத்துல பெய்யும் , காற்று எந்த திசையில் அடிக்குமுன்னு எழுதி வச்சதுக்கு இது தேவைப்படலாம். ஆனா அதுபடியா நடக்குது.? மனித உடலுக்கும் இதுக்கும் சம்பந்தமே இல்லை .அப்புறம் அதனால் தோஷம் எப்படி வரும் ((ஹய்யோ ஒரு வழியா பாயிண்டுக்கு வந்துட்டேன் )) மனிதனை படைத்த அந்த இறைவன், உடலில் எங்காவது ஒரு குறை வைத்தானா .? இல்லையே .இந்த உடம்பும் இவனுடைய ஆணைக்கு எதிர்பார்க்காமல், இரவு பகல் பாராமல் உழைக்குதே..!! அப்படி இருக்கும் போது, இவன் வேலை எதுவும் செய்யாமல், சோம்பேறியா இருப்பதுக்கு, ராகு காலம் எமகண்டம்ன்னு, தானே ஒரு பட்டம் குடுத்து வச்சிருக்கான் . எதிராளி சீக்கிரமே முன்னுக்கு வரவிடாமல் செய்வதுக்கு என்ன வழின்னு யோசிச்சதுல கிடைச்சது செவ்வாய் தோஷம் , நாக தோஷம் , உச்சத்துல சனி இதெல்லாம் .

எனக்கு தெரிஞ்ச ஒருவர் சுமார் 10 வருச காலமா பெண் கிடைக்காமல் அவதிப்படுகிறார். இந்த தோஷம் உள்ளதால லேட்டாகிட்டே போதுன்னு ஒரே புலம்பல் . இவ்வளவுக்கும் அவர் குடும்பம் படிக்காத குடும்பம் இல்லை . அறிவு ஜீவிகள்தான் . ஆனா வேலைக்காகல . நானும் எவ்வளவோ சொல்லியும் சரி வரல. எறும்பு ஊர கல்லும் தேயும் ஒரு நாள், தேய்ந்தது ஆனால் காலம் போனதே..நான் சொன்னது இதுதான்.

எத்தனையோ தெய்வங்களை வணங்குகிறீர்கள் ஓக்கே , இதுவும் போதாமல் கூடவே ஒரு குல தெய்வம் .அதுக்கூடவா உங்களுக்கு நல்லது செய்யாது. அதன் மீதுமா நம்பிக்கை இல்லை .இப்படி எல்லா தெய்வங்களை விடவா உங்களுக்கு இந்த ஜோதிடம் பெரியதாக போய் விட்டது .

உடம்பில் ஓடும் இரத்தம் எப்போதாவது இது நல்ல நேரம் இல்லை நான் ஓடமாட்டேன் என்று சொன்னதா..? கிட்னி எப்போதாவது தன்னுடைய நேர காலத்தை மாற்றி இருக்கா ..? நாம் உறங்கினாலும் சுவாசமும் , இதயமும் உறக்கம் இல்லாமல் வேலை செய்யுதே .எப்போதாவது அது ராகு காலம் எமகண்டம் பார்த்து இருக்கா..?

மேலே சொன்னது நம்முடைய கன்ட்ரோல் இல்லை ஓக்கே . இந்த நேரங்களில் நீங்க சாப்பிடாமல் , குடிக்காமல் இருந்து இருக்கீங்களா..? அட்லீஸ்ட் யூரின், டாய்லட் போகாமல்..? ஒரு வேளை பயணத்தில் இருந்தால் ஓடிக்கிட்டு இருக்கும் வாகனத்தை விட்டு இறங்கி அங்கேயே நிற்பீங்களா..? ஏற்போர்ட்டில், பஸ் ஸ்டாண்டுகளில் , ரயில்வே ஸ்டேஷன்களில் அந்த நேரங்களில் எதுவும் இயங்காதுன்னு சொன்னால் நீங்கள் அங்கேயே அமைதியா இருப்பீங்களா..?

இறைவன் படைத்த படைப்பில் எதுவும் கெட்ட நேரமோ , அதில் குறையோ இல்லை .நாம் பார்க்கும் பார்வையில்தான் எல்லாமே இருக்கு . காமாலை கண்டவனுக்கு எல்லாமே மஞ்சளாகத்தான் இருக்கும் .பூனை குறுக்கே போனால் அதுக்குதான் நேரம் சரியில்லை வண்டி சக்கரத்தில் மாட்டிக்கொள்கிறது. ((உண்மை காரணம் அது ஓடி விட்டதாக நினைத்து பயந்து அங்கேயே சிறிது நின்று விடுகிறது , நமது கவனமும் சிதறி, அதன் மேலே வண்டியை ஏற்றி விடுகிறோம் )).

உங்கள் ஜாதகத்தை (ஙே ) இன்னும் பத்து பேரிடமும் காட்டுங்கள், .அந்த பத்து பேரும் பத்து விதமாதான் சொல்லுவார்கள். அந்த பத்தும் தலை சுற்றும் விதமாதான் சொல்லுவார்கள் . ரோலக்ஸ் வாட்ச், டயோட்டா காரில் போய் கேளுங்கள் அது ஒரு விதமாகவும் , பழைய சட்டை, வாடகை சைக்கிளில் போய் கேளுங்கள் அப்போது ஒரு விதமான பலனும் சொல்வார்கள் . கொடுக்கும் பணத்துக்கேற்ப பலன் கிடைக்கும் .

இருக்கும் இந்த ஒரே ஒரு வாழ்கையில் வாலிபம் போனால். எத்தனை கொட்டிக்கொடுத்தாலும் அது திரும்ப வரப்போவதில்லை . இதை எல்லாம் நினைத்து பின்னால் அழுவதுக்கு பதில் இப்போதே ஒருமுடிவுக்கு வாங்கன்னு சொன்னேன் .நான் இத்தனை சொல்லிய பிறகு இப்போது ஒரு வழியா மனம் திருந்தி மணம் செய்யப்போகிறார். அவருக்கு என வாழ்த்துக்கள் .

-இல்லை இதில் எனக்கு நம்பிக்கை இருக்குன்னு சொல்பவர்கள் உங்கள் ஜோதிடரிடம் கீழே உள்ள கேள்வியை கேளுங்கள். போட்டிக்கு வருபவர்கள் கீழே கமெண்டில் தெரிவிக்கலாம் .அப்படி சரியாக சொன்னால்............ ..

என்னுடைய வரும் அடுத்த இரெண்டு வருட சம்பளம் மொத்தமாக தருகிறேன். அப்படி அவர் போட்டியில் தோற்றுவிட்டால், அவருக்கு அரேபிய படி ........தண்டனை (( அது எதுவா வேண்டுமானாலும் இருக்கும் )) ரெடி ஸ்டாட் மியூசிக்

1 .அடுத்த இரெண்டு வருடம் கழித்து நான் இதே நாள் இதே நேரம் எங்கே இருப்பேன்..?

2 . நான் என்ன வேலையில் இருப்பேன். எனக்கு என்ன சம்பளம் கிடைக்கும் ...?

3. அப்போது நான் என்ன கலர் டிரஸ் போட்டிருப்பேன் ..?.

4 .என் பக்கத்தில் யாரெல்லாம் இருப்பார்கள் .?.

5 . தலையில் எத்தனை வெள்ளை முடி இருக்கும் ..? இல்லை இருக்காதா..?

6 . இதே நேரம் என்ன செய்து கிட்டு இருப்பேன் .

இறைவன் கொடுத்த சுய அறிவை கொண்டு மீண்டும் ஒரு முறை சிந்தியுங்கள் .அடுத்த வேளை தான் என்ன சாப்பிடப்போகிறோம் என்று சொல்ல முடியாதவர்களா நமது எதிர் காலத்தை சரியா சொல்ல முடியும் .

வாங்க பழகலாம் ...1

2011-09-07T17:04:00.000+04:00

எவ்வளவு நாளைக்குதான் இப்படி காதில ரத்தம் வரும் அளவுக்கு மொக்கையா பதிவு எழுதுவீங்க . மாறுதலுக்காக நானே பாராட்டுர மாதிரி ஒரு டெக்னிகல் பதிவு எழுதுங்களேன்னு கேட்டுக்கொண்ட இவருக்கு இந்த பதிவை டெடிகேட் செய்கிறேன்.

(( யாருக்கோ நூடுல்ஸ் ரொம்பவும் பிடிக்குமுன்னு சொனாங்களே..!! ))

மின்சார வீட்டு உபயோக பொருட்களில் பொதுவா இந்திய தயாரிப்புகளில் இல்லாத சிறப்பு ஜப்பான் , இத்தாலி , சில ஃபிரான்ஸ் தயாரிப்புகளில் இருக்கு .அது சில நேரங்களில் நன்றாக இருந்தாலும் தவறாக நினைப்பதால் நிறையப்பேர் இதனை தெரிந்திருப்பார்களான்னு எனக்கு தெரியல .உதாரணம் இஸ்திரி பெட்டி , எக்ஸாஸ்ட் பேன் , எலக்டிரிக் இண்டக்‌ஷன் அடுப்பு , எலக்டிரிக் குக்கர் , வால் பேன் ((நல்லா கவனியுங்க சீலிங் பேன் இல்லை)) .

இந்திய தயாரிப்புகளில் இது வைக்காததுக்கு காரணம் இது தான் மிகச் சரியாக 220 , 240 ஓல்டேஜ் வருவதில்லை .இது சில நேரங்களில் வெறும் 80 லிருந்து 280 வரை கூட வரும் . அதுக்கு தகுந்த மாதிரி வைண்டிங்க காயில் உள்ளே இருக்கும் . ஆனால் இங்கே வெளி நாட்டில (துபாய் ) மிகச்சரியாக ஓல்டேஜ் இருக்கும் .ஒரு சில மில்லி கூட, கூட குறைய இருக்காது. அதை சரிகட்ட கெப்பாஸிட்டர் பேங்க் ஒன்னும் கூடவே இருக்கும் .

(( இது ஹீட்டர்ல இருக்கும் ))

எங்காவது ஓல்டேஜ் குறைய ஆரம்பிச்சால் இந்த கெப்பாஸிட்டர் பேங்க் அதை சரி கட்டும் .நம்ம் ஊரில இந்த வசதி வர எனக்கு தெரிஞ்சி இன்னும் 100 வருஷம் ஆகுமுன்னு நினைக்கிறேன். ஓக்கே அந்த ஐட்டம் என்னன்னு இன்னும் சொல்லலையே அதான் தெர்மல் ரெஸிஸ்டெர். இது நாம உபயோகிக்கும் எலக்டிரிக் பொருட்களுக்கு அதன் வாட்டேஜ் ( சாப்பிடும் அளவு ) க்கு தகுந்த மாதிரி அதன் ஆம்பியர்களில் ((சாப்பிடும் அளவு அதாவது பெருந்தீனி )) வைத்திருப்பார்கள் .

இது அதன் சூடு (ஹீட்) தேவையான அளவுக்கு மேல் போனால் உடனே இது எரிந்துப்போகும் . அதாவது மேலே நான் குறிப்பிட்ட உங்க எலக்டிரிக் சாமான்கள் வீனாகிப்போச்சுன்னு அர்த்தம் . அதை குப்பையில்தான் போடனும் . இதுதான் இது வரை நடந்து வரும் வழக்கம் . ரிப்பேர் செய்யும் அளவுக்கு செய்யும் பணத்தில் ஒன்று புதுசாவே வாங்கிடலாம் . ஆனால் உண்மையில் உங்கள் எலெக்டிரிக் பொருட்களில் ஹீட்டரோ , காயிலோ கெட்டுப்போய் விடவில்லை. நம்பினால் நம்புங்கள் இந்த தெர்மல் ரெஸிஸ்டர்தான் எரிந்து போய் விட்டது.

இந்த எரிந்த ரெஸிஸ்டரை நாம் பார்த்தால் புத்தம் புதுசாவே தெரியும் .ஆனால் மல்டி மீட்டரில் , கனெக்டிவிடி பார்த்தால் கனெக் ஷன் தெரியாது . இதை மட்டும் எடுத்து விட்டு திரும்ப அந்த வயர்களை இனைத்து டேப் செய்தால் போதும் .இன்னும் குறைந்தது இரெண்டு வருடமாவது அது வேலை செய்யும் .அதுக்கு மேலே உங்க தலையெழுத்து எப்படியோ அப்படி உழைக்கும் ஹி..ஹி..

(( இந்த மாடல் ஃபேனில் இருக்கும் ))

சரி இதை எப்படி கண்டுப்பிடிப்பது . உங்கள் எலெக்டிரிக் குக்கர் , இண்டெக்‌ஷன் அடுப்பு , எலெக்டிரிக் இஸ்திரி பெட்டி , பின் பக்க கதவை அதன் ஸ்குருவை கழட்டி விட்டு பார்த்தால் பின்னால் தெரியும் ஹீட்டர் பிளேட்டில் ஒரு சின்ன உருளை ( உருளைகிழங்கு இல்லை மக்கா )) சிலிண்டரில் அதனை வைத்து ஸ்குரு செய்திருப்பார்கள். அதிலிருந்து ஒரே கலரில் மெல்லிய வயரில் பார்க்கும் போதே தெரியும் . இதை பெண்கள் கூட செய்யலாம் .

ஆனால் எக்ஸாஸ்ட் ஃபேனில் , வால் பேனில் ஹீட்டர் கிடையாது அதுக்கு பதிலாக சிங்கிள் காயில் இருக்கும் . அந்த காயில் இருக்கும் பின் பக்க டோரை கழற்றி விட்டு பார்க்கும் போது அது தெரியாது .ஆனால் காயிலை சுற்றி மொத்தமான பேப்பர் , பேப்பரால் ஒட்டி இருப்பார்கள் . நீங்கள் செய்ய வேண்டியது இதுதான் .அந்த மொத்த பேப்பரை கவணமாக பிய்த்து வெளியே எடுக்கனும் .

அதுக்குள்ளே போகும் இரெண்டு வயரிகளில் ஏதாவது ஒரு பக்கம் வயரில் இந்த தெர்மல் ரெஸிஸ்டரை இனைத்து இருப்பார்கள் . இங்கே உள்ள தெர்மல் ரெஸிஸ்டர் முன்பு பார்த்த அளவுக்கு இருக்காமல் சின்னதா மஞ்சள் கலரில் இருக்கும் .((முன்பு சொன்ன ஐட்டங்களில் வெள்ளை கலரில் இருக்கும் ))இங்கே வாட்டேஜ் அதிகம் இருக்காததால் அளவில் சின்னதா இருக்கும் . தெர்மல் ரெஸிஸ்டரை மெதுவாக கட் செய்து விட்டு வயரை நேரிடையாக சால்டரோ இல்லை அப்படியே ஜாயின் செய்து டேப் ஒட்டி விட்டால் போதும் . பிய்த்த மொத்த பேப்பரை திரும்ப ஒட்ட வேண்டிய அவசியம் கூட இருக்காது

திரும்ப கழட்டிய ஸ்குருக்களை அதன் அதன் இடத்தில் மாட்டி ஓட விடுங்கள் இப்போது ஃபேன் இயங்க ஆரம்பிச்சுடும் . புதுசாக ஒன்னு வாங்க வேண்டியதில்லை .இந்த வேலையை செய்ய அதிக பட்சம் உங்களுக்கு அரை மனிநேரம் கூட ஆகாது .இதுக்காக வெளியே யாரையும் எதிர்பார்க்கவும் தேவை இருக்காது .பணமும் மிச்சமாகும் J

டிஸ்கி :- உங்களையும் ஒரு டெக்னிகல் ஆசாமியாக ஆக்கும் என்னுடைய சிறிய முயற்சி இது . தேவைப்படும் போது இன்னும் இதுப்போல டெக்னிக் பதிவுகள் இந்த பிளாகில் தொடரும். அதுக்காக யாருக்காகவும் மொக்கைகளை விட்டுடுவேன்னு மட்டும் நினைக்காதீங்க ஹி..ஹி..

ஒரு .......டைரி....!!!-----3

2011-09-03T15:21:00.003+04:00

ஜுலை 2010

ரூம் மேட்டுடன் ஒரு விடுமுறை நாளின் மாலை நேரம் சிட்டியை வலம் வந்தோம் . பேசிக்கொண்டே வரும் போது அவன் சொன்னான் . காலையிலிருந்தே காது லேசாக அடைப்பது போல இருக்கு பேசுவது எதுவும் சரியா கேக்கலன்னு சொன்னான் .((ஒரு வேள நம்ம போடும் மொக்கைக்கு பயந்துட்டானோ )) இங்கே ஒரு சையண்டிஸ்ட் வேஸ்டா ((யாரு நாந்தேன் )) இருக்கும் போது கிடைச்ச சான்ஸ விடலாமா வா பக்கத்திலிருக்கும் கிளினிக்குக்கு போகலாமுன்னு வலு கட்டாயமாக கூட்டிகிட்டு போனேன் .

போன இடத்தில் ஒரு ரிஷப்ஷனிஸ்ட் புன்சிரிப்புடன் (ஆடு மாட்டிகிச்சுங்கிரமாதிரி )டாக்டரிடம் உள்ளே அழைத்துப்போனாள்.அங்கே இருந்ததோ மொத்தமே எங்களை சேர்ந்தது நாலே பேர்தான் . ரூம் மேட்டை அந்த ராட்சத நாற்காலியில் உட்கார வைத்து காதுக்குள் லேசான சுடுதண்ணியை ஸ்பிரே செய்து ஒரு ரூபாய்க்கு பஞ்சை வைத்து சுத்தம் செய்து (ரெண்டு காதுக்கும் சேர்த்து ) 150 Dhs வாங்கிகிட்டார் . நண்பன் அழுதுகிட்டே மொய் வச்சான் .

திரும்ப வரும் போது அமைதியா வந்தான் . ஏண்டா என்ன ஆச்சி இப்பதான் காது நல்லா கேட்குமே ஏன் பேசாமல் வருகிறாய்ன்னு கேட்ட்துக்கு . ஏதாவது ஒன்னு தப்பி தவறி என் வாயில் வந்தா நீ உடனே என்னை ஐ சி யூ விலேயே அட்மிட் செய்துடுவாய் அதான் வாயை திறக்கவே பயமா இருக்குன்னு சொன்னானே பார்க்கலாம் .

இப்பல்லாம் எந்த பிரச்சனை இருந்தாலும் உஷரா வாயை திறப்பதே இல்லை. ஒரு வேளை பயபுள்ள திருந்திட்டானோ ...!!

ஆகஸ்ட் 2010

இந்த தொடர் இதிலாவது முடியுமா..?? பொறுமையை சோதிக்கிறானே...!!!

ஒரு கஞ்சப்பய அன்னைக்கி பார்த்துதான் விருந்துக்கு கூப்பிட்டான் , என்னது இது ஏதாவது மழைவறதுக்கு அறிகுறியா ? இல்லை , நம்ம ஏழரை என்னைய விட்டுட்டு போய்ட்டுதான்னு சந்தேகப்பட்டுகிட்டே கூட போனேன் . ஏதோ வீட்டுல சந்தோஷமான விஷயம் நடந்திருக்குப்போல . ஒரு 3 ஸ்டார் ஹோட்டலில் பார்ட்டி வைத்தான் . (( நானும் அவனும் மட்டுமே )).

எதை பத்தியும் கவலைப்படாதேன்னு நிறைய ஐட்டங்கள் ஆர்டர் செய்தான் .அன்லிமிட் பஃபே டைப் ஒரு வழியா சாப்பிட்டு முடிந்ததும். தன்னோட கிரடிட் கார்டை குடுத்தான் . கொண்டு போன சர்வர் அதே வேகத்துடன் திரும்ப வந்தான் . கார்டு வேலை செய்யலையாம் . இதென்ன சோதனைன்னு நினைச்சிகிட்டே டெபிட் கார்டை சர்வரிடம் நீட்டினான் . திரும்பவும் சர்வர் அதே வேகத்துடன் திரும்ப வந்து இந்த கார்டும் வேலை செய்யலைன்னு திரும்ப குடுத்துட்டான்.

இரெண்டு கார்டும் ஒரே பேங்க்தான் .என்ன பிரச்சனைன்னு தெரியல , வெளியே இருக்கும் ஏ டி எம்மில் போய் என்னை எடுத்து வரும் படி சொன்னான் . நானும் ரெண்டு கார்டையும் வாங்கி கிட்டு வெளியே வந்தேன் . கார்டு இரெண்டுமே ஏ டி எம்மில் சரியாகவே வேலை செய்தது . பணம் எடுத்துக்கிட்டு வரும் போது சரியாக என் பாஸ் வந்து என் கையபிடிச்சி உடனே வா (ஹெட்) ஆஃபீஸில நெட் ஒர்க் வேலை செய்யலன்னு காருக்குள்ளே தள்ளி விட்டார் .

நான் நிலைமைய சொல்லி முடிக்கும் போது கார் கிட்ட தட்ட20 கிலோ மீட்டர் போய் விட்டிருந்தது. அப்புறம் வேறு ஆள்கிட்டே பணம் குடுத்து அனுப்பும் போது அதிக மில்ல ஒரு 3 மணிநேரம் போய்டிருந்துச்சி .கொலவெறியில உட்கார்ந்திருந்ததா தகவல் .((நான் ஒரு 10 நாள் கழிச்சிதான் அவனையே பார்த்தேன்)) .ம்ம்ம்ம் ஒன்னு சொல்ல மறந்துட்டேன் ஹோட்டல் போகும் போது என்னிடம் போன் கையில் இல்லை ரூமிலேயே மறந்து வச்சிட்டு போய்ட்டேன்

செப்டம்பர் 2010

ஏதோ புதுசா ரூல்ஸ் அண்ட் ரெகுலேஷனுக்காக ஒரு பிரபல இன்ஸ்டிடியூட்டில 15 நாளைக்கு டிரைனிங்காக அனுப்பி வச்சாங்க . அங்கே ஆண்களை விட பெண்களே அதிகம் . ஒரு வேளை ஆண்களுக்கு படிப்பே ஏறாதோ என்னவோ .

முதல் நாள் புரபஷர் மாதிரி ஒருத்தர் வந்து அரைமணி நேரம் சொந்த புராணத்தை பாடினார் . என்ன கொடுமை இது எங்கே போனாலும் இவனுங்க தொல்லை தாங்கமுடியலைப்பா ..!! அதுல முக்கியமா அவர் சொன்னது இதுதான் .அவரும் அதே ((இதே)) இன்ஸ்டிடியூஷனில் படித்து அங்கேயே அவருக்கு வேலை கிடைத்து இருக்கு அதை பெருமையா சொன்னார் .

இங்கே படிப்பு அவ்வளவு மட்டமாவா இருக்கு .வெளியே வேலை கிடைக்காமதான் .இவர் இங்கேயே வேலை பார்க்குறார் போல. இதுல நாம் இங்கே படிச்சால் என்ன ஆகுறது அவ்வ்வ்வ்.. அடுத்த நாளிலிருந்து இந்த ஏரியா பக்கமே தலை வச்சி படுக்கல..ஹி...ஹி...

நா வரமாட்டேன் ....நா வரமாட்டேன்ன்ன்ன்ன்ன்ன்...!!

அக்டோபர் 2010

ஒரு யூ எஸ் பி டிரைவை வைரஸ் செக் செய்துகிட்டு இருக்கும் போது அதுல ஏகப்பட்ட மால்வேர் டிடக்ட் ஆகிட்டே இருந்துச்சி . அதுல இருக்கும் ஒவ்வொரு exe ஃபைலையும் போல்டர் exe பைலா அது டூப்ளிகேட்டா காப்பி செய்து இருந்தது தெரிய வந்துச்சி . ஒரு கட்டத்துல அது அப்படியே மேற்கொண்டு தொடராம அப்படியே நின்னுடுச்சி .எந்த ஒரு கீபோர்ட் , மவுஸும் செயல்படல .

கம்ப்யூவை ஒரு தடவை அப்படியே ஸ்விட்ஜ் ஆஃப் செய்துட்டு திரும்ப ஆன் செய்தால் கருப்பு ஸ்கிரீனில் சீடி டிரைவில இருப்பதை வெளியே எடுத்து விட்டு ஆன் செய்யும் படி சொன்னது . அப்படி இல்லாவிட்டால் ரீஸ்டார்ட் செய்யும் படி சொன்னது . உள்ளே இருக்கும் 80 ஜிபி ஐட்டமும் காலி ப்போலன்னு நினைச்சி ஒரே பீலீங் .

என்ன செய்தாலும் அதே கருப்பு ஸ்கிரீன் அதே ரீஸ்டார்ட் . கிட்ட தட்ட 3 மணி நேரமும் டிரை செய்தும் ஒன்னும் ஆகல . கடைசியா பி சி பின் பக்க கதவை திறந்து விட்டு காற்று அடிக்கும் ஏர் புளோரை வைத்து நன்றாக ((பிராச்சர் ஃபேன் , பவர் சப்ளை உள்ளே , அவுட் ஃபேன் )) காற்றடித்து உள்ளே இருக்கும் தூசியை வெளியேற்றினேன்.

திரும்ப ஆன் செய்யும் போது எந்த தொந்திரவும் செய்யாமல் நல்ல பிள்ளையை போல அமைதியா வேலை செய்தது. பவர் சப்ளையிலோ அல்லது பிராச்சர் மேலே இருக்கும் ஃபேன் இதுல ஏதாவது தூசி சேர்ந்தாலோ அல்லது சின்ன எலக்டிரிக் தடங்கல் வந்தாலும் கம்ப்யூ ஸ்லோவா ஆகிடும்.

இதுல உள்ள நீதி என்னன்னா அவரசப்பட்டு எந்த முடிவுக்கும் லேசுல வந்திடப்படாது. சர்வீசுக்கு விட்டா உள்ளே உள்ள ஐட்டங்கள் (டேட்டாக்கள்) களவு போக வாய்ப்பு உள்ளது. முடிந்த வரை நாமேதான் பார்க்கனும்

நவம்பர் 2010

இது வரை மத்தவங்களுக்கு பல்ப் குடுத்து வந்த எனக்கு மொத்தமா பல்ப் கிடைச்ச கதை இது அவ்வ்வ்வ்...மேலே நன்பணின் கிரெடிட் கார்டு அனுபவங்களால், கிரெடிட் கார்டுகளை வெளியே கொண்டு போவதில்ல்லை . அதுக்கு பதில் டெபிட் கார்டை கொண்டு போனேன். ஒரு ஷாப்பிங் மாலில் மாடியில் 50 க்கு பர்ஸேஸ் செய்தேன் . அதுக்கு பிறகு கீழே வந்து 500க்கு பர்ஸேஸ் செய்யும் போது பணம் இல்லைன்னு ரிசிப்ட் வந்தது. இதென்ன கொடுமை

மூனு தடவை புல்லிங் செய்தும் இல்லைன்னே வந்தது .பிலிப்பைனி பொன்னு ஒரு மாதிரியா என்னை பார்க்க இப்பதான் மேலே பர்ஸேஸ் செய்தேன் பார்ன்னு ரிசிப்டை காட்ட வேறு ஆள் மூலம் மேலே கொண்டு போய் புல்லிங் செய்ய சரியா ரிசிப்ட் வந்துச்சி . நான் பழைய மூனு பில்லையும் கையோடு கொண்டு வந்துட்டேன். ( இதான் என்னோட புத்திசாலிதனம் )இதிலென்ன் பல்புன்னு கேக்குறீங்களா மேலே படிங்க

அடுத்த அரை மணிநேரம் கழிச்சு அதே பேங்கில் போய் பனம் எடுக்க போகும் போது 2000 திரம்ஸ் குறைவா காட்டியது . பயந்து போய் மினி ஸ்டேட்மெண்ட் பார்க்க பர்ஸேஸ் 500 நாலு தடவை காட்டியது .இதுல வேடிக்கை ஒரு தடவைதான் சரியான பில் மற்ற மூனும் தவறான பில்லே வந்தது. ஆக பர்ஸேஸ் செய்த நேரம் இரவு என்பதால் பொழுது விடியும் வரை பொறுமையா இருந்தேன்

மறு நாள் காலை ரிஜக்டாக இருந்த மற்ற மூனு பில்லும் என் கைவசம் இருந்த்தால் பேங்கில் காட்ட நீன்ன்ன்ன்ண்ட இடைவேளைக்கு (எதுக்கும் ஒரு லிட்டர் பால் குடிச்சிட்டு போங்க நிறைய பேச தெம்பு வேனும் )பிறகு ஃபார்ம் எழுதி கொடுத்து அது செக் செய்து திரும்ப வர 15 நாள் பிடிச்சது. அது வரை டென்ஷன் தான் . அன்றிலிருந்து எங்கே போனாலும் நோ டெபிட் கார்டு , ஒன்லி கேஷ்தான் .

இதில் உள்ள நீதி : கார்டு யூஸ் செய்பவர்கள் . பண்ம் இல்லைன்னு வந்தாலும் அந்த துண்டு சீட்டை பத்திரமா வாங்கி வைக்கனும் , முடிந்த வரை அடுத்த அரை மணி நேரத்தில் சரியான அளவு பணம்தான் எடுக்கப்பட்டிருக்குதான்னு உங்க பேங்க் அக்கவுண்டை செக் செய்யனும் .இல்லாவிட்டால் பின்னால் வருத்தப்படனும் . தப்பாக தெரிந்தால் 2 நாட்களுக்குள் பேங்கிற்கு உடனே போகனும் .இல்லாவிட்டால் பணம் கிடைக்காது .

டிஸம்பர் 2010

யப்பா கடிதாங்க முடியல..!! யாராவது காப்பாத்துங்கோவ்வ்வ்வ்வ்வ்

வேலை நேரத்துல நம்ம ஃபிரண்டுக்கு அவன் லவர் கிட்டேயிருந்து போன் .(( இந்த பொண்ணுகளுக்கு மிஸ்டு காலை தவிர வேறு ஒன்னுமே தெரியாது )) கிட்ட தட்ட முக்கால் மணி நேரமா பேசினான் .திரும்ப வர மாதிரி தெரியல இதுவேலைக்காகாதேன்னு கிட்டக்க போய் கேட்டதுல முக்கிய விஷயம் இதுதான்

சீக்கிரமா அவனையே கல்யாணம் செய்துக்குறேன் நம்புன்னு திரும்ப திரும்ப சொல்லிகிட்டு இருக்கு . இவன் நம்பாத மாதிரியே பேசிசிகிட்டு இருந்தான் . இந்த லவ்வு கிட்டதட்ட ஓரு வருஷமா ஓடிகிட்டு இருந்தது .இப்ப நம்ம்மாட்டேங்கிறானேன்னு எனக்கும் வருத்தம் . ஆண்கள் ஏமாற்றிதான் நாம இது வரை கேட்டிருக்கோம் .இங்கே இதென்ன புதுசா நம்ம பய கொ(கெ)ஞ்சிறானேன்னு எனக்கு ஆச்சிரியம் .

இருந்தும் அவங்கள் பேச்சில நாம குறுக்கே போக்க்கூடாதுன்னு பேசாம இருந்தேன். கடைசியா இவன் சொன்னான் ”உங்க வீட்டில யாரையும் நான் நம்பமாட்டேன்” அதுவும் கடைசியா கேட்டது. ”ஏன் நம்ம மாட்டேங்கிறே” .அதுக்கு இவன் சொல்றான் ”இதையே தான் உங்க மூத்த அக்கா என்னிடம் சொல்லிச்சு , அப்புரம் வெளிநாட்டு மாப்பிள்ளையை பாத்ததும் என்னைய கைவிட்டுடுச்சி “ பிறகு உன்னோட இன்னொரு அக்காவும் அதேதான் சொல்லிச்சு , அப்புறம் வசதியா ஒருத்தனை பாத்ததும் அவனையே கல்யாணம் செய்துகிச்சு .

இப்ப நீயும் அதே டயலாக்கை சொல்றே. அதான் நம்ம முடியலே” ன்னு சொன்னானே பார்க்கலாம். அதுக்கு பிறகு எதிர் முனையிலிருந்து பதிலையே கானோம் போன் கட்..

விடாமுயற்சி கேள்விபட்டு இருக்கேன் .இது மாதிரி ஒரே வீட்டில ரூட் விடற விடாமுயற்சியை கேட்டதே இல்லை .இது மாதிரி ஃபிரெண்டுகளை வச்சிருக்கேனேன்னு இப்போ அவனோட மூட் அவுட் எனக்கு வந்துருச்சி அவ்வ்வ்வ்வ்J)

ஒரு வழியா தொடரை முடிச்சிட்டேன்னு நினைக்காதீங்க .இன்னும் நாலு வேற தொடர் பாக்கி இருக்கு .யாரோ கூப்பிட்ட நினைவு இருக்கு ஆனா சட்டென்னு நினைவுக்கு வரல :-)

பிளேடு குறிப்பு :- ஒரு அன்பு சகோதரியின் வேண்டுக்கோளுக்காக மட்டும் சில மாற்றங்கள் செய்யப்பட்டுள்ளது . அவருக்கு என் நன்றி :-)

ஒரு ............டைரி....!!!-----2

2011-08-20T00:43:00.000+04:00

டிஸ்கி :ஒரு......யின் டைரி தொடர்ச்சி இரெண்டாம் பாகம் ஆரம்பிக்குது. இது இன்னும் தொடரும் போலிருக்குது . இனி யாரும் தொடருக்கு என்னை கூப்பிடுவீங்க..??? (யாரோ புலம்புவது கேட்குது )) ஹி...ஹி..

மார்ச் 2010

எங்கள் கூட வேலை செய்யும் பெங்காலி (பங்ளாதேஷி ) ஒரு மாதிரியான டைப் . எது கேட்டாலும் அவனிடம் எப்போதுமே சரியான பதில் சொல்லமாட்டான் .ராங்கான பதிலே வரும் புதிதாக கேட்பவருக்கு சில நேரம் கோவமே வந்துடும் . ( நமக்கு பழகி போயிடுச்சி ) . அன்றிலிருந்து 2 மாதம் லீவு ஊருக்கு கிளம்பிகிட்டு இருந்தான் . சரி போய் பார்த்து விட்டு வரலாமுன்னு கேம்பிறகு போனால் இரவு 10 மணி ஃபிளைட்டிற்கு 8 மணி வரை ரூமிலேயே இருந்தான் .கேட்டதுக்கு இன்னும் தம்பி கார் கொண்டு வரலை அதுக்காக வெயிட்டிங்னு சொல்லிட்டான் . துபாய் , ஷார்ஜா டிராஃபிக் சமாளித்து போகவே சில சமயம் 3 மணி நேரம் பிடிக்கும் .கடைசியில் இவன் தம்பி வந்து ஏர் போர்ட் போனபோது மணி 11 ஆகி ஃபிளைட் மிஸ்ஸிங் .திரும்ப வந்து விட்டான்

மறு நாள் என்னையும் ஏர்போட் போக கூப்பிட்டான். நான் கராராக சொல்லிவிட்டேன் . மாலை 6 மணி ஃபிளைட்டிற்கு இங்கிருந்து மதியம் 2.30க்கு கிளம்பினால் சரியாக இருக்கும் அப்படி என்றால் வருகிறேன் . அவனும் ஓக்கே சொல்லிட்டான் .

அடுத்த நாள் பாஸ்போர்ட் ரெடியா , டிக்கெட் ரெடியான்னு சொல்லி விட்டு கூடவே கிளம்பினேன் . மதிய நேரம் அவ்வளவா டிராஃபிக் இல்லை .ஒரு வழியா 4 மணிக்கு துபாய் ஏர்போர்ட் போய் விட்டோம் . லக்கேஜ் ஸ்கேனிங் போட்டதும் என்னை போக சொல்லிவிட நான் அங்கேயே இருந்தேன் . பயபுள்ள உள்ளே போன கால் மணி நேரத்திலேயே திரும்ப வந்தான் என்னடா ஆச்சின்னு கேட்டதுக்கு சொல்றான் பாருங்க .ஜெய்லானி ஏர்போர்ட் மாறிப்போச்சுடா. நானும் ஆமாம் இப்ப ரொம்பவும் டெவலபா இருக்கு . அதுக்கும் நீ திரும்ப வந்த்துக்கும் என்ன சம்பந்தமுன்னு கேட்டேன் .

அதுக்கு அவன் சொல்றான் .நாசமா போச்சி நான் போக வேண்டிய ஃபிளைட் ஷார்ஜா ஏர்போர்ட் , ஆனா நாம வந்தது துபாய் ஏர்போர்ட்டுக்குன்னு கூலா சொல்றான் . பெங்காலி பயபுள்ள ஃபிரென்ஷிப் வேண்டாமுன்னு சொன்னாலும் நான் கேட்டாதானே..!!

ஏப்ரல் 2010

டியூட்டி நேரங்களில் டைம்பாஸ் செய்ய பக்கத்துல இருக்கிற ஹோட்டல்தான் வசதி .நொறுக்கு தீனிகளோட நேரம் போவது தெரியாம்ல் கலாய்த்து கொண்டிருப்போம் . ஒரு நாள் கூட வந்த நாலு பேருமே டீ சரியில்லைன்னு சொல்லிகிட்டு இருந்தானுங்க . நான் லைட் டீ ( பால் இல்லாம ) மட்டுமே குடிப்பது வழக்கம். மத்தவங்க ஸ்டிராங் ( வீட்டில் குடிப்பது போல தேயிலை நன்றாக கொதிக்க வைத்தது ) குடிப்பதால் , ஒரு வேளை தேயிலை தூள் புதியதான்னு கேட்டுகிட்டும் , இன்னும் சில பேர் ஒரு வேளை பால் புது டைப்பாக இருக்குமோ , இல்லை சர்க்கரை (சீனி ) சரியில்லையோன்னு ஆளாளுக்கு அப்செடாக இருந்தார்கள்.

வரப்போகிற எல்லாருமே லேசாக முகம் சுளிப்பதை பார்த்து விட்டு ஹோட்டல் மலையாளியிடம் கேட்டேன் . ஏண்டா என்ன ஆச்சி எதுவும் ராங் ஐட்டம் போட்டுட்டியா..? இல்லை எதுவும் பழைய சரக்கா..? பழைய டேஸ்ட் இல்லைன்னு சொல்றாங்களேன்னு கேட்டேன் .

அது ஒன்னுமில்ல ஜெய்லானி .எல்லாமே அதே குவாலிட்டி சாதனம்தான் . இந்த டீ கெட்டிலை உள்ளே சுத்தம் செய்து கிட்டதட்ட ரெண்டு மாசம் ஆகிரதேன்னு நாந்தான் இன்னைக்கி காலையில நல்லா கிளீன் செய்தேன் . ஒரு வேளை அதுதான்னு நினைக்கிறேன்னு சொன்னான் பாருங்க .

எனக்கு தல சுற்றியதுல ஒரு செகண்ட் நான் பூமியிலதான் இருக்கிறேனோன்னு சந்தேகமே வந்துட்டுது.

மே 2010

மாலை நேரம் பக்கத்துல இருக்கும் காஃபிடீரியாவில்ஒரு காக்டெயிலும் (நம்புங்க ஜுஸ்தான் ), பர்கருமாக கூடவே நிறைய ஃபிரெஞ்ச் ஃபிரையை வைத்துகிட்டு எதை முதலில் ஆரம்பிக்கிறதுன்னு யோசிச்சிகிட்டு இருக்கும் போது .ஒரு பெங்காலி உள்ளே வந்தான் . எனக்கு எதிரில் உள்ள சீட்டில் உட்கார்ந்துகிட்டு ஷ்வர்மா ஆர்டர் செய்தான் .

ஊரிலிருந்து வந்து ரெண்டு நாள்தான் ஆகிறதாம் .இந்த நாட்டிற்கு புதுசாம் . பரஸ்பரம் நலம் விசாரிச்சி கிட்டு இருக்கும் போதே அவன் கேட்ட சிக்கன் ஷ்வர்மா வந்தது. நான் கடை ஆளிடம் பேசிகிட்டு திரும்பி பார்ப்பதுக்குள் முழுதும் சாப்பிட்டு விட்டான் .நன்றாக இருந்த்து போல இன்னொன்னு கேட்டான்

””பாய் சாப் ஷ்வர்மா பஹுத் அச்சா ஹை , அவுர் ஏக் தியோ மகர் பேப்பர் தோடா கம் ரக்கோ”” அப்படின்னு சொன்னான் .((சகோ ஷவர்மா ரொம்ப நல்லா இருக்கு ஆனா அதுல கொஞ்சமா பேப்பர் சுத்தி குடுன்னு கேட்டான் )) பாருங்க .. அடப்பாவி ஷ்வர்மாவுல சுத்தி இருக்கிற பேப்பரை பிரிச்சி போட்டுட்டு சாப்பிடனுமுன்னு கூட தெரியலப் போலிருக்கு. அவ்வ்வ்வ் .

ஜுன் 2010

ஒரு பொன் மாலைப்பொழுதில் பார்க்கில் உட்கார்ந்து வேடிக்கை பார்த்துகிட்டு இருக்கும் போது ஒரு ஆள் என் பக்கம் வந்து நலம் விசாரிச்சார் .((எப்படித்தான் கண்டுப்பிடிக்கிறானுங்களோ தெரியலை)) நானும் சின்னதா ஒரு புன்னகை செய்தேன் .

அவர் ஒரு கைரேகை ஜோசியராம் (( இந்த ஊருல கிளியை வச்சி செஞ்சா நேரே ஜெயில்தான் )) .ராசியை பத்தி பேசிகிட்டு இருந்தார் .நமக்கு ராசி நல்லா இருந்தா ஏன் வெளிநாட்டுக்கு வரோம் ஹி..ஹி...அவருக்கு கையை பார்த்தாலே கடந்த காலம் , நிகழ்காலம் , எதிர்காலம் எல்லாமே தெரியுமாம் .நானும் எல்லாத்துக்கும் தலையை ஆட்டி வைத்தேன் நமக்கும் நேரம் போகனுமில்ல ஹா..ஹா.

கடந்தகாலம்தான் தெரியுமே அதுக்கு ரீவியூ எதுக்கு . நிகழ்காலம் இங்கே கொஞ்சம் வெயில் ஒன்னும் சொல்றதுக்கில்ல . எதிர்காலம் தெரிஞ்சா டேஞ்சர் . அதில் ஒரு திரில் , சுவாரஸ்யம் இருக்காது .ஆக மொத்தம் எனக்கு இதில் நம்பிக்கையே கிடையாது .. முழு எதிர்காலமே சொல்கிறேன் . 30 Dhs கொடுங்கன்னு கேட்டார்.

நான் சொன்னேன் ஓக்கே நான் 100 Dhs தருகிறேன் .எனக்கு ஒரே ஒரு கேள்விக்கு மட்டும் பதில் சொல்லுங்கன்னு . அவரும் ஆர்வமாக சொல்லுங்கன்னார் . கேள்வி இதுதான் . நான் உங்களூக்கு இன்னும் கொஞ்ச நேரத்துல வாங்கி தரும் அடுத்த வேளை என்ன சாப்பிடுவீங்கன்னு சரியா சொன்னா அதோடு இந்த 100 Dhs உங்களுக்கேன்னு சொன்னேன் .

அவர் முகத்துல ஈ ஆடவில்லை . அமைதியாக இருந்தவர் .மெதுவாக அந்த இடத்தை விட்டு காலி செய்தார் . எங்கிட்டேயேவா...?..!!

டிஸ்கி நெ 2 : இது வரை பொருமையாக படிச்சிருப்பீங்கன்னு நினைக்கிறேன் . இந்த தொடரை இன்னும் தொடரனுமான்னு நீங்கதான் சொல்லனும் :-)

ஒரு ............டைரி....!!!

2011-08-12T04:29:00.000+04:00

இந்த தொடர் பதிவை விஜி கிரியேஷன்ஸ் ஆரம்பிச்சி வச்சி நமக்கு பிட் நோட்டிஸ்அழைப்பிதழ் அனுப்பினாங்க அதுவும் இந்த மாசம் கடைசிக்குள்ள போடுங்கன்னு அன்பு கட்டளையோட அதாவது போன டிஸம்பர்ல... அதுக்கு பிறகு குட்டி சுவர்கமும் கூப்பிட்டு பார்த்தாங்க .அதுக்குள்ள புது வருஷமும் ஆரம்பிச்சி ஜனவரியும் ஓடி இப்போது ஆகஸ்டு பாதி முடியப்போகுது , நேரம் ஆக இரெண்டு காரணம் ஒன்னு ஆனி பிடுங்கல் அடுத்தது ஒரே நேரத்தில இதே மாதிரி பதிவு எல்லா இடத்திலும் வந்தா கொஞ்சம் போர் அடிச்சுடுற மாதிரி தெரியும் அதான் ஹி..ஹி.. :-)

எனக்கு டைரி எழுதப் பிடிக்காது.. பிடிக்காதுன்னு கிடையாது ஆனால் , என்னிக்காவது எதிலாவது மாட்டினால் இதுவே ஒப்புதல் வாக்குமூலம் மாதிரி ஆகிடும் . வேற வினையே வேனாம் ஹி..ஹி.. ((சோம்பேறின்னு சொல்ல அசிங்கம்)) இதுல ஒரு பக்கத்துல ஒரு வருஷத்தை அடைக்க முடியுமா சந்தேகம்தான் அதனால முடிஞ்சளவு போட்டுகிட்டு வரேன் .

ஜனவரி 2010

சில்லென்று வீசும் ஒரு பொன்மாலை பொழுதுல பக்கத்தில இருக்கும் பார்க்கில போய் உட்கார்ந்தேன் . மீடியமான கூட்டம் குழந்தைகளின் தத்தி தத்தி நடக்கும் அழகும் , பாட்டிகளின் ((ஆண்டீஸ்)) வாக்கிங்கும் அழகாய் போய் கொண்டு இருந்துச்சி . அதுக்கும் பக்கத்தில ஒரு புல் வெளியில இங்கே பால் விளையாடாதிங்கன்னு போட்ட இடத்தில் அனுஷ்காக்களும் , நமிதாக்களும் ஷட்டில் காக் விளையாடிகிட்டு இருந்தாங்க . அழகானவங்க விளையாடும் போது யார் போய் அவங்களை தடுக்க போறாங்க . நானும் அதை வேடிக்கை பார்த்துகிட்டு இருந்தேன் .

கரெக்டா பத்தாவது நிமிஷம் அனுஷ்கா விட்ட அடியில பந்து என் பக்கம் எதிர்பாராம திடீர்ன்னு வந்ததுல நான் கொஞ்சமா தடுமாறினதுல கால் வழுக்கியதுதான் தெரியும் ”எண்ட அம்மேஏஏஏஏஏ”ன்னு ஒரு பயங்கர சத்தம்., வந்த சத்தத்தில பயந்து போய் நானும் ஐயோன்னு கத்த பிறகுதான் தெரிஞ்சுது ..நான் கட்டில விட்டு கீழே விழுந்தது. சாரி , விழுந்தது ஒரு ஆள் மேலே., .என்னோட கை அந்த ஆள் தொண்டைகுழியை அழுத்த, என்னோட மொத்த வெயிட்டும் அந்த ஆள் வயித்துல ....

அப்பவும் பாதி தூக்கத்துல ஒரு சந்தேகம் யாரு இது புதுசா நம்ம ரூமில நமக்கு தெரியாம வந்து என் பெட்டுக்கு கீழே படுத்து கிடக்கிறது .ஒரு வேளை திருடனோன்னு பயம் .நாம ரெண்டு பேரும் போட்ட சத்தத்துல.ரூம் ஃபிரெண்ட் அவனோட சொந்த காரன் மலையாளி ஓடி வந்து என் கையை எடுத்து விட்டு டேய் விட்றா செத்துடப்போறான்னு சொல்ற வரை கை குரல் வளையை விட்டு எடுக்கல (( யாருக்கு தெரியும் தூக்கக் கலக்கத்துல))

விஷயம் இதுதான் ..ஆள் இருப்பது அபுதாபியில , ஊரிலிருந்து வந்ததும் நைட் பிளைட்டா இருப்பதால தங்கிட்டு காலையில போக ரூமிற்கு வந்து இருக்கு . எனக்கு நேர் எதிரே ஏசி இருப்பதால குளிர் காற்றுக்காக பயபுள்ள என் கட்டிலுக்கு கீழே படுத்திருக்கு. ஒரு வழியா அவரை சமாதானப்படுத்தி படுக்க வச்சா இதோ வரேன்னு வெளியே போனவர்தான் திரும்ப ரூம் பக்கம் வரவே இல்லை . பக்கத்தில இருக்கிற பள்ளிவாசல்ல தூங்கிட்டு அப்படியே ஆள் எஸ்கேப்..

ரூம் மேட்டுகிட்ட கேட்டேன். எங்கேடா அவரையும் கானோம் அவரோட பெட்டியையும் கானோமேன்னு .பெட்டியை நீயே எடுத்து வந்து அங்க குடுன்னு சொல்லி வாங்கிட்டு அங்கிருந்தே போயிட்டார். இப்பல்லாம் யாருமே ரூம் பக்கமே வரதில்லை ஏன்னு தெரியல . உங்கள் யாருக்காவது காரணம் தெரியுமா ? தெரிஞ்சா கொஞ்சம் சொல்லுங்களேன் பிளீஸ்..

பிப்ரவரி 2010

இதுவும் அதே சில்லென்று வீசும் ஒரு பொன் மாலை பொழுதில் திரும்பவும் அதே பார்க் அதே வேடிக்கை .ஆனா இது கனவல்ல நிஜம் .புல் வெளியில் உட்கார்ந்து வேடிக்கை பார்க்கும் போது காலில் எதோ ஒரு உணர்வு சின்னதா பிடிச்சி இழுப்பது மாதிரி . விட்டேன் ஒரு உதை.ஏதோ ஒன்னு பறந்து போய் தூர விழுந்தது. திரும்பவும் வேடிக்கை தொடர்ந்தது. கொஞ்ச நேரத்தில அதே உணர்வு என்னடா இது ஜெய்லானிக்கு வந்த சோதனைன்னு பார்த்தா ஒரூ ஆ மை.,

ஆஆஆஆஆமையா இது எப்படி வந்துச்சின்னு ஆராய்ச்சி செய்ய நேரம் இல்லை ரொம்பவும் பொடிசா இருக்கவே சரி வரட்டுமேன்னு சொல்லி பக்கத்தில கிடந்த சிகரெட் பாக்கெட்டில போட்டு ரூமிற்கு கொண்டு வந்துட்டேன் . வீட்டுக்கு ஆமை வந்தா வீடு உருப்படாதுன்னு எங்கோ படிச்ச ஞாபகம் . நாமலே உருப்படாத ஆளு, இதுல ஆமை வந்தா ஒரு வேளை உருப்படுட்டுமோன்னு நினைச்சு தைரியமா கொண்டு வந்துட்டேன் .

அது என்ன சாப்பிடும் என்று சரியா தெரியாததால. ஒரு பக்கெட் முக்கால் வாசி தண்ணீர் நிறப்பி அதில் ஆமையை விட அழகா நீந்திகிட்டு இருந்தது. கொஞ்சமா அதுல சோறுப்போட அதை லேசா அது சாப்பிட்டதா ஞாபகம் . வழக்கம் போல மறு நாள் காலை பாத்ரூமில் குளிக்கப் போக பக்கெட்டை பார்க்க..!! பக்கெட் காலி ஆமையை கானலே..!! சரி ஒரு வேளை எங்காவது ஓரமா இருக்கும் அதுவும் குளிக் போயிருக்குமுன்னு நினைச்சி நானும் மறந்துட்டேன்.

திரும்பவும் மதியம் வரும் போது ரூம் மேட் கேட்டான் , அடோய் ஜெய்லானி பாருய்யா அதிசயத்தை ராத்திரி ரூமுக்கு வரும் போது பார்க்கிறேன் உன்னோட பக்கெட்டுக்குள் ஒரு ஆமை நீந்திகிட்டு இருந்துச்சி .பார்த்துமே அப்படியே ஷாக்காகிட்டேன் ..!! நானும் சரி அப்புறம் ..? அப்புறமென்ன அப்படியே பக்கெட்டோட டாய்லெட்டுக்குள்ள விட்டு ஃபிளாஷ் அடிச்சிட்டேன் ..ஆனாலும் 5 நிமிஷம் கழிச்சி அது திரும்பவும் வெளியே வந்துச்சி , நான் விடல கடைசியா சுடு தண்ணி ஒரு பக்கெட் விட்டேன் . அது திரும்ப வரவே இல்லைன்னு சொன்னான் .அவ்வ்வ்வ்வ்வ்வ்

அடேய் படுபாவி அதை கொண்டு வந்ததே நாந்தாண்டா ..!! அநியாயமா அதை கொன்னுட்டியேன்னு சொல்ல , யாருக்கு தெரியும் நான் வரும் போது இரவு 2 மணி நீ நல்லா தூங்கிட்டு இருந்தேன்னு கூலா சொல்ல ... என்ன செய்ய ..!! என் கிட்ட வந்த ஆமைக்கு நேரம் சரியில்லை .

நீதி :- ஆமை புகுந்தா வீடு இல்ல , ஆமை உருப்படாது ..!!

இந்த ரெண்டு மாசத்துக்கே கதை ஓவரா போனதால மீதி மாதங்கள் தொடரும்...............................................................................................!!

எழுத்து வகை ..!!

2011-08-06T00:19:00.000+04:00

இப்பதான் ஒரு தொடர் முடிஞ்சுது அதுக்குள்ளே இன்னொன்னானு நினைக்க வேண்டாம் .வேற வழியே இல்லை . அழைத்து இங்கே பார்க்கவும் . அழைத்தமைக்கு நன்றி . இந்த தொடரில் எதிர் பாலினம் ஒருவர் எழுதினால் எப்படி இருக்கும் என்று டெஸ்ட் செய்யவே இது. :-) கொஞ்சம் சிரியஸா யோசிக்கலாம் :-)

நாம் ஒரு கதையோ , கவிதையோ ,அல்லது கட்டுரையோ படிக்க ஆரம்பிக்கும் போது அது யார் எழுதி இருப்பது ? எழுதியவர் ஆணா இல்லை பெண்ணா என்று பார்த்து விட்டோ படிக்கிறோம் .அதில் தெரிந்தவர் என்றால் படிக்கும் ஆசை இன்னும் கொஞ்சம் அதிகரிக்கும் .அந்த வகையில்தான் நாவல் , சினிமா பாட்டாக , இலக்கியமாக ஒருவரை குறித்து நமது அனுகுமுறை இருக்கிறது.

இப்போ இங்கே இருக்கிர சூடுக்கு இது வேரயா..? அவ்வ்வ்

ஒரு கவிதையை கண்ணதாசனோ , வைரமுத்தோ ,வாலி இவர்கள் எழுதி அதை நாம் வாசிப்பதுக்கும் ஒரு சாதாரன குப்பனோ ,சுப்பனோ எழுதி இருந்தால் அதை வாசிப்பதுக்கும் ஏக வித்தியாசம் இருக்கிறது புதியதாக யாராவது எழுதி இருந்தால் மேலோட்டமாக வாசித்து விட்டு விடுவோம் .இங்கே கவிதை வரிகளுக்கு நாம் மரியாதை குடுப்பதில்லை .எழுதியவர் யார் என்றே. முதல் கேள்வி

பொது வெளியை விட்டுவிட்டு பார்க்கும் போது இங்கே பதியுலகில் பலர் விதவிதமாக எழுதி வருகிறார்கள். இங்கே ஒவ்வொருவருக்கும் ஒரு வித டேலண்ட் இருக்கிறது. அது வரவேற்க வேண்டிய ஒன்றுதான். ஒருவருக்கு கவிதை நன்றாக வருகிறது. இன்னொருவருக்கோ சமையல் நன்றாக வருகிறது இப்படி பலவகை இருக்கு. எது எவருக்கு பிடித்து இருக்கோ அதில் எழுதுகின்றார்கள்.

பதிவுலகில் இருக்கும் பலரும் ஒன்றும் அறியாத சிறுபிள்ளை இல்லை .நல்ல மெச்சூரிட்டியான ஆட்களே இருக்கிறார்கள். அவர்களில் ஒவ்வொரு ஆணுக்கும் பின்னாலும் ஒரு பெண்ணோ ,இல்லை ஒவ்வொரு பெண்ணுக்கும் பின்னோ ஒரு ஆண் கட்டாயம் தூண்டுக்கோலாகவே இருக்காங்க . அந்த வகையில் அவர்கள் எழுதும் எழுத்தும்(வழிமுறை) தனித்தனியே பிரித்து பார்க்கவே முடியாது.

(இனிப்பான ) சோதனை மேல் சோதனை போதுமடா சாமி...

அசிங்கமாக ,அடுத்தவர் முகம் சுழிக்கம்படியாக யார் எழுதினாலும் அது நீண்ட நாள் நிற்காது. அப்படிப்பட்டவர் பெரும்பாலும் யாருக்குமே தெரியாத புனைப்பெயரிலோ அல்லது தன்னுடைய அடையாளம் வெளியே தெரியாமல்தான் எழுதுவார். இங்கேதான் வருகிறது அது ஆண் எழுதும் எழுத்தா இல்லை இது பெண் எழுதும் எழுத்தா..? என்ற கேள்வியே. (உஸ்...யப்பா ஒரு வழியா மேட்டருக்கு வந்துட்டேன் )

ஊரில் எங்கோ நடக்கும் ஒரு குண்டூசி செய்தியை ஊதி ஊதி பெரிசாக்கி புல்டோசர் அளவு பரப்பரப்பாக கூடிய பெண்களும் இங்கே இருக்கிறார்கள். (தேவை ) இல்லாத வார்த்தையை விட்டு விட்டுஅதுக்காக்க குடுமிப்பிடி போடும் ஆண்களும் இங்கே இருக்கிறார்கள். இதில் இவர் இப்படித்தான் எழுதனும் என்கிற வறைமுறை எதுவும் கிடையாது.

ஒருவனோ அல்லது ஒருத்தியோ இப்படித்தான் எழுதனும் என்று வந்தால் அதில் அவரோட தனித்தன்மை என்று எதுவும் இல்லை ,இருக்காது என்றே அர்த்தம் . இங்கேதான் அடக்குமுறை என்ற பேச்சு வருகிறது. இந்த தொடரில் எழுதிய பெரும்பாலோனேர் அவர்களுக்குள்ளேயே ஒரு பெண் இப்படித்தான் எழுதனும் என்ற வரைமுறையை ஒத்துக்கொள்கிறார்கள். கடைசியில் எங்களுக்கு எழுத்துலகில் எழுத்து சுதந்திரம் கிடையாது என்று சொன்னால் யாரை குற்றம் சொல்வது ?

உதாரணத்திற்கு ஒரு கவிதையோ அல்லது கட்டுரையோ கீழே பெயர் போடாமல் போட்டால் அது ஆண் எழுதியதா இல்லை பெண் எழுதியதா என்று கண்டிபாக ஊகிக்கவே முடியாது .இதில் முன்பே சொன்ன மாதிரி அடுத்தவர் முகம் சுழிக்காத வரை அது யார் எழுதினாலும் அது நல்ல எழுத்துதான் . எழுத்திலே ஆண் பெண் என்று பிரித்து பார்ப்பது வேண்டாத வேலை என்றே தோன்றுகிறது.

பதிவு கொஞ்சம் சீரியஸா ஆன மாதிரி தெரியுது அதுக்காக ஒரு ஜோக்

கணவர்: காஃபி ரொம்ப ஸ்ட்ராங்கா இருக்கிற மாதிரி தெரியுதே..?
மனைவி: அதிக மில்லை ஓரு ஸ்பூன் சிமெண்ட் போட்டேன்.....

யோவ் இந்தாப்பா ராப்பிச்சை.. ரெண்டு நாளா வீட்டுக்காரர் ஊர்லே இல்ல. ரசம் மட்டும்தான் தான் வச்சேன்.. வாங்கிட்டு போறியா..?
மவராசன் சமைச்சது இல்லியா.. சரி போடு தாயி.. போற உசுரு எப்படிப் போனா என்ன..?*

அப்படியே ஒரு சந்தேகம் J குளத்துல எந்த வகையான (நீளம் அகலம் )பொருட்களை போட்டாலும் அலை மட்டும் வட்டவட்டமா வருதே அது ஏன் ??? ((ஒன்னுமில்ல சந்தேகம் கேட்டு ரொம்ப நாளாச்சு அதான் ஹி..ஹி... ))

முத்துக்கள் மூன்று மட்டுமே ..!!

2011-07-30T11:19:00.000+04:00

நீண்ட நாளைக்கு பிறகு இங்கே ஒரு தொடரின் தொடர் தொடர்ந்துகிட்டு இருக்கு . ரொம்ப நாளும் ஏமாத்த முடியல . கைவசம் இன்னும் நிறைய பாக்கி இருக்கு தொடர் தொடர்ந்துகிட்டு இருக்கும் போது தொடர்ந்தால் சுவாரஸ்யம் இருக்காது .இதை அழைத்த சகோஸ் , சகோஸ் அவர்களுக்கு நன்றி ..

(1) நீங்கள் விரும்பும் மூன்று விஷயங்கள்?

(1) புயல்மழை அடிக்கும் போது கடற்கரையோரம் வேடிக்கை பார்க்க பிடிக்கும்

(2) கலகலப்பாக இருக்க

(3) கலகலப்பாக இருக்கும் எல்லோரையுமே

1) நீங்கள் விரும்பாத மூன்று விஷயங்கள்?

(1) சிகரெட், பீடி ,சாராயம்

(2) நீண்ட பயணம்

(3) தனிமை

2) பயப்படும் மூன்று விஷயங்கள்

(1) மரணம் அது குறித்து சிந்தனை

(2) ஹஸ்பிட்டல் ஸ்மெல்

(3) எலெக்டிரிக் ஷாக்

3) உங்களுக்குப் புரியாத மூன்று விஷயங்கள்?

(1) இரண்டு மாத குழந்தையின் அழுகை (எதுக்கு அழுவுது ஏன் அழுவுதுன்னே புரியாது )

(2) ஒரு பெண்ணின் மனம் இன்னொரு பெண்ணிற்குதான் தெரியும்முன்னு சொல்றாங்களே அது

(3) காதல்

4) உங்கள் மேஜையில் உள்ள மூன்று பொருட்கள்?

(1) கம்ப்யூட்டர்

(2) லட்டர் பேட்

(3) பேனா

5) உங்களைச் சிரிக்க வைக்கும் மூன்று விஷயம் or மனிதர்கள்?

(1) டாம் அண்ட் ஜெர்ரி

(2) மிஸ்ட்ர் பீன்

(3) காமெடி புக், பதிவுகள்

6) தாங்கள் தற்போது செய்து கொண்டு இருக்கும் மூன்று காரியங்கள்?

(1) முந்தின கேள்விகளுக்கு டைப்பிகிட்டு இருக்கேன்

(2) இந்த கேள்விக்கும் பதில் டைப்பிகிட்டு இருக்கேன்

(3) அடுத்த கேள்விக்கும் இன்னும் டைப்பனும்

7) வாழ்நாள் முடிவதற்குள் செய்ய நினைக்கும் மூன்று காரியங்கள்?

(1) இருக்கும் வரை அடுத்தவங்களுகு தொல்லைதராமல் இருக்கனும்

(2) என் பெயரில் ஒரு அறக்கட்டளை .அது யாருக்காவது உதவிகிட்டே இருக்கனும்

(3) நட்புக்களிடம் தொடர்ந்து நட்புடன் இருக்க முயற்சி

8) உங்களால் செய்து முடிக்கக் கூடிய மூன்று விஷயங்கள்?

(1) எந்த வேலை கொடுத்தாலும் அதை திறம்பட செய்யும் மனோ தைரியம் .(எல்லா புகழும் இறைவனுக்கே )

(2) தூங்க சொன்னால் உடனே போய் தூங்கிடுவேன் (அவ்வளவு சமத்து )

(3) கை , கால் , நல்லா இருக்கும் வரை எல்லாமே முடியும்

9) கேட்க விரும்பாத மூன்று விஷயங்கள்?

(1) புறம் பேசுதல்

(2) ஆம்புலன்ஸ் சத்தம்

(3) அரசியல்வாதியின் பேச்சு

10) கற்றுக் கொள்ள விரும்பும் மூன்று விஷயங்கள்?

(1) ராக்கெட் ஓட்ட

(2) மிருகங்களின் பாஷை

(3) வவ்வால் மாதிரி தலைக்கீழா தொங்க

11) பிடிச்ச மூன்று உணவு வகை?

கேள்வியை தயாரிச்ச புண்ணியவான் யாருங்க..? என்னதான் பிடிச்ச உணவா இருந்தாலும் 3 வேளை அதையே சாப்பிட முடியாது

12) அடிக்கடி முணுமுணுக்கும் மூன்று பாடல்கள்?

நேரத்துக்கு தகுந்த படி இந்த பாட்டு தானாகவே வாய் அசையும் அது

(1) இங்கே பாருங்க

(2) இதையும் பாருங்க

(3) இதையும் விட்டுடாதீங்க

13) பிடித்த மூன்று படங்கள்?

(1) பார்டர் (ஹிந்தி )

(2) புதிய பறவை

(3) கபி குஷி கபி கம் (ஹிந்தி )

14) இது இல்லாம வாழ முடியாதுனு சொல்லும்படியான மூன்றுவிஷயம்?

(1) பல்லு விலக்காம இருக்க முடியாது

(2) டிரஸ் போடாம இருக்க முடியாது

(3) என்னால தினமும் குளிக்காம இருக்க முடியாது (( எங்கிட்டேயேவா,,ஹி..ஹி.. ))

15) இதை எழுத அழைக்கப்போகும் மூன்று நபர்கள்?

இதை மூனுப்பேர்கிட்ட மட்டும் அடக்க என்னால் முடியாது ஸோ..இந்த கேள்வி சாய்ஸில் விடப்படுகிறது

உஸ்...ஒரு வழியா இந்த தொடரை முடிச்சாச்சு .. கேள்வி அதுப்பாட்டுக்கு வந்துகிட்டே இருக்கு .நா பரிட்சைக்கு கூட இப்படி எல்லா கேள்விக்கும் பதில் கொடுத்தது இல்ல ..அவ்வ்வ்

சிந்தனை

2011-07-30T07:46:00.000+04:00

இதயத்தை பத்தி எத்தனையோ படங்கள் வந்திருந்தாலும் , அதை பாதுகாக்க எத்தனை எத்தனை வெப் சைட்டுகள் , பிளாக்குகள் இருந்தாலும் பல தடவை யோசிச்சுப்பார்தாலும் ஒன்னுமே புரிய மாட்டேங்குது . இதயம் ஒரு விளங்காத புதிர்

ஊரிலிருந்து வந்த இரண்டாம் நாளே ஒரு அதிர்ச்சி சம்பவம் . கூடவே வேலை செய்யும் நண்பரின் மகன் வயதும் அதிக மில்லை 23 தான் இருக்கும் . இந்த ஊருக்கு அழைத்து ஒரு வேலையும் வாங்கி தந்து டிரைவிங்க் லைசன்சும் ( இங்கே யானை விலை ஆகும் ) எடுத்து கொடுத்தார் . தனக்கு பிடிச்ச பெண்ணையே திருமணமும் செய்து குடுத்தார் . திருமணம் ஆன மூன்றாம் நாளே மணமகன் காலி. கேட்டால் ஹார்ட் அட்டாக்.

இரவு 2 மணிக்கு ஊரிலிருந்து டெலிபோன் வரவே .இவர் தூக்க கலக்கத்தில் எடுக்கவே இல்லை .திரும்ப திரும்ப போன் அடிச்சதில் .எரிச்சல் பட்டு போனையே ஸ்விட்ச் ஆஃப் செய்து விட்டார் . வீட்டிலுள்ளவர்கள் வேறு ஒருவருக்கு தகவல் சொல்லி அவர் காம்பவுண்ட் சுவர் ஏறிகுதித்து உள்ள வந்து இவரை எழுப்பி தகவல் சொல்லும் போது மணி 3 ஆகி விட்டது. நண்பர் அலறி அடித்துக்கொண்டு கிடைத்த முதல் ஃபிளைட்டில் ஊர் போய் இருக்கிறார் . அவர் மகன் இனிமையான சுபாவம் கலகலப்பானவர்.

நான் ஊர் போவதுக்கு முன் சந்தித்து பேசிய நினைவுகள் சோகத்துடன் நாட்கள் நகர அடுத்த நான்கு நாட்களில் இன்னுமொரு சோகம் . நேற்று மதியம் வரை ஒன்றாக வேலை செய்தவர். இன்று வேலைக்கு வரவில்லை . ஒரு வேளை லீவா ஏன் வரவில்லைன்னு அவர் நெம்பருக்கு போன் செய்தால் இரவு நெஞ்சு வலி வந்து அதனால் அவரை எமர்ஜென்ஸி வார்டில் வைத்திருப்பதாக அவர் சகோதரர் சொன்னார் ., சொல்லும் போது மணி காலை10 .

சரி டியூட்டி முடிஞ்சு போய் பார்க்கலாமுன்னு இருந்தோம் . மதியம் 12.30க்கு மீண்டும் தகவல் அவர் இறந்து விட்டார் .போய் பார்க்க மனசு ( தைரியம் ) வரவில்லை . உடலில் எந்த ஒரு வியாதியும் இல்லை. நார்மலாகவே இருந்து வந்தவர் . கடைசியில் என்ன ஆச்சுன்னு சொல்ல அவர் இல்லை .வெளி நாட்டில் உயிருடன் இருக்கும் வரை ஒரு கஷ்டமும் இல்லை . அதே இறந்து விட்டால் உடலை ஊருக்கு அனுப்ப பல சட்ட பிரச்சனைகள் , நாட்களாகும் அதனாலேயே பலர் இங்கேயே அடக்கம் செய்து விடுவார்கள்.

ஊரில் உள்ளவர்கள் இவர் வருவார் என எதிர்பார்த்துக்கொண்டு இருக்க அவர் உடல் மட்டுமே போனது .சோகத்தில் இருக்கும் அவர்கள் குடும்பத்துக்கு இறைவன் மனசாந்தியை கொடுக்கட்டும் .

உதிர்ந்த இலையையை பார்த்து வருத்தப்படுகிறது .உதிரப்போகும் இலை :(